26-28 tamyz aralyǵynda Kókshetaý ulttyq parkiniń aýmaǵynda «Bı DJI Enerdjı Challendj - Qazaqstan» sporttyq -qaıyrymdylyq sharasy ótedi
ASTANA. 24 tamyz. QazAqparat - 26-28 tamyz aralyǵynda Kókshetaý ulttyq parkiniń aýmaǵynda «Bı DJI Enerdjı Challendj - Qazaqstan» sporttyq -qaıyrymdylyq sharasy jobasy ótedi. Atalmysh shara osymen 6-she ret qolǵa alynyp otyr.
Bul týraly «Bı Djı Qazaqstan» kompanııasynyń baspasóz qyzmeti habarlaıdy.
Baspasóz málimetterine qaraǵanda, sporttyq sharaǵa qatysatyn komandalardy tirkeý aıaqtaldy. Búgin sporttyq sharaǵa barlyǵy 31 komanda qatysqaly otyr. Oǵan qatysýshylar taýda júretin velosıpedpen jarysyp, ózderi jasaǵan qaıyqpen básekege túsedi. Osy jarystar barysynda komanda ókilderi kompas pen JPC-tiń kómegimen tıisti baǵytty taýyp, mejelegen jerge jetýleri kerek. Sonymen qatar olar jol boıynda kúrdeli qurylǵylardy buzyp kirip, olardyń kodyn tabýlary tıis. Bul rette ár komandanyń jeńiske jetýi komanda músheleriniń árqaısysynyń aınalaǵa beıimdele bilip, strategııalyq josparlar quryp, sony uıymdasqan túrde atqara bilýlerine baılanysty. Jarysqa qatysý komanda múshelerine ózderiniń biliktilikterin kórsetip, ekijaqty qarym-qatynastardy jetildirip, eń bastysy qaırymdylyq sharalaryna mol qarjy jınaýǵa yqpal etedi.
«Bı Djı Challendj» Qazaqstanda 2006 jyldan beri uıymdastyrylyp keledi. Onyń qaıyrymdylyq sharalaryna jınaǵan qarjysy 65 mıllıon teńgeni quraıdy. Bıylǵy jyly jınalǵan qarjynyń barlyǵy Astana qalasynyń múmkindigi shekteýli balalary qoǵamdyq qoryna joldanady.
