25 mlrd teńgeden astam aınalymy bar 50 narkoshoptyń qyzmeti áshkerelendi

ASTANA.KAZINFORM — Qarjylyq monıtorıng agenttigi esirtkini ótkizý jáne esirtkiden túsken kiristerdi zańdastyrýǵa baılanysty aqsha qozǵalysyn belsendi túrde qadaǵalaıdy.

— 25 mlrd teńgeden astam aınalymy bar 50 narkoshoptyń qyzmeti áshkerelendi. Barlyq tranzaktsııalar boıynsha tolyq málimetter ІІM, UQK jáne prokýratýraǵa berildi. Bir mezgilde onlaın-dúkender arqyly esirtki satyp alǵan 40 myńǵa jýyq adam anyqtaldy, — delingen habarlamada.

— Aldyn alý maqsatynda qarjy retteýshilerimen birlesip drop kartalardy tanýdyń tıimdi tetigi jolǵa qoıyldy. Nátıjesinde 20 myńnan astam karta buǵattaldy. Bankter 8 myń klıentpen iskerlik qatynastaryn úzdi. Esirtkiden túsken 2 mlrd teńgeden astam qarajat shottarda toqtatyldy.

— Esirtki saýdasyna qatysy bar 3 myńnan astam krıpto ámııan anyqtaldy, 11,5 mln AQSh dollary kóleminde qarajat buǵattaldy.

— Esirtkiden túsken kiristi zańdastyrýǵa da paıdalanylǵan 130 zańsyz krıptoaıyrbastaý orny (64 qylmystyq is) joıyldy. TMD elderindegi 50-den astam jergilikti dúken men 20 iri jetkizýshiniń qyzmeti toqtatyldy.

— Sońǵy bir jarym jylda esirtkiniń zańsyz aınalymyna qatysty 225 derek anyqtaldy, 118 kg-nan astam esirtki jáne psıhotroptyq zat (onyń ishinde 4,5 kg sıntetıkalyq esirtki), 217 myń dana kúshti áser etetin preparat (tyıym salynǵan «anabolıkalyq steroıdtar») tárkilendi.

— Jyl basynan beri halyqaralyq poshta jóneltilimderi arqyly jetkiziletin 4 arna jabyldy.

Eske sala keteıik, buǵn deıin Prezıdent Qarjylyq monıtorıng agenttiginiń ókilettigin keńeıtkenin jazǵan edik.