25 mlrd teńge salynǵan Asar Baspana qarjy pıramıdasynyń isi sotqa jiberildi
ASTANA. KAZINFORM – Almaty qalasy prokýratýrasynyń úılestirýimen Ekonomıkalyq tergep-tekserý departamenti kóp deńgeıli «Asar Baspana» qarjy pıramıdasy qyzmetiniń faktisi boıynsha tergep-tekserýdi aıaqtady.
Pıramıda 2023 jyldan 2025 jylǵa deıin Qazaqstannyń barlyq aýmaǵynda tutyný kooperatıvi retinde áreket etken.
Qarjylyq pıramıda qyzmetine 90 myńnan astam azamat tartylǵan jáne olar 25 mlrd teńgeden astam qarjy salǵan.
— Bul rette aqsha qarajaty kóptegen jaǵdaıda jeke kásipkerlerdiń baqylaýdaǵy shottary arqyly qolma-qol aqshaǵa aınaldyrylyp, uıymdastyrýshylar jeke maqsattaryna paıdalanǵan, al qarajatty esepke alýdy, qylmys izderin jasyrý maqsatynda ádeıi júrgizbegen, — delingen prokýratýra habarlamasynda.
Qylmystyq is sotqa joldandy.
Aıta ketelik «S-Group» qarjy pıramıdasy 136 mln teńgeden astam zalal keltirgen edi.