2500-den astam astanalyq jumysshylarǵa jalaqy boıynsha bereshek tólendi
NUR-SULTAN. QazAqparat - Nur-Sultanda 540 mln. teńgeden astam somaǵa 2540 jumysshyǵa jalaqy boıynsha bereshek óteldi, dep habarlaıdy qala ákimdiginiń resmı saıty.
Qalalyq ortany baqylaý jáne sapa basqarmasynyń aqparaty boıynsha, astanalyqtar kóbinese eńbekaqy tólemeý, qalǵan az bóligi - zańsyz jumystan bosatý, tártiptik sıpattaǵy sharalardy qoldaný, eńbek jaǵdaılaryn ózgertý jáne t. b. sııaqty eńbek zańnamasyna qatysty máseleler boıynsha memlekettik organdarǵa júginedi.
Tájirıbe kórsetip otyrǵandaı, negizinen jalaqyny keshiktirý nemese tólemeý kópshiligi kúzet qyzmetin kórsetýmen aınalysatyn, qoǵamdyq tamaqtandyrý jáne qurylys salasynda jumys isteıtin shaǵyn jáne orta kásiporyndarda kezdesedi.
Aıta ketý kerek, eńbek zańnamasynyń talaptaryn buzǵany úshin Zańmen
eskertý jáne aıyppul túrinde ákimshilik jaýapkershilik qarastyrylǵan.
