250 sharshy metrdi sharpydy: Astanadaǵy órt oqshaýlandy

ASTANA. KAZINFORM — Astana qalasynyń Nura aýdanynda qyzyl jalynǵa oranǵan turǵyn úı keshenindegi órt aýyzdyqtaldy. Bul týraly TJM málim etti.

— «Sem bochek» turǵyn kesheniniń 6 men 16 qabat aralyǵyndaǵy syrtqy qaptamasy men 14-qabattaǵy balkon órtke orandy. 100-ge jýyq turǵyn óz betinshe dalaǵa shyqty, TJD kúshteri 15 adamdy evakýatsııalady. Zardap shekkender joq. Órttiń sebebi anyqtalyp jatyr, — delingen habarlamada.

Buǵan deıin órt ornynda órt sóndirý shtaby qurylǵanyn, turǵyndardy evakýatsııalaý jumystary júrgizilgenin jazǵan edik.