250 oqýshy áskerılerdiń qyzmetimen tanysty
«Máńgilik el» patrıottyq aktisi aıasynda Atyraýda «Batys» óńirlik qolbasshylyǵynyń 41433 áskerı bóliminde «Qazaqstan áskerindegi bir kún» ashyq esik kúni ótti. Oǵan orta mektepterdiń 9-10 synybynyń 250-den asa oqýshysy qatysty.
Іs-shara barysynda oqýshylar áskerı qyzmetshilerdiń turmysymen, jaǵdaıy jáne kúndelikti tynys-tirshiligimen, qarý-jaraqtyń, áskerı tehnıka men jaýyngerlik amýnıtsııanyń zamanaýı úlgilerimen tanysyp, áskerı qyzmetshilerdiń kásibı daıarlyǵyn óz kózderimen kórdi.
41433 áskerı bóliminiń áskerı qyzmetshileri oq atý jáne dene daıarlyǵy boıynsha normatıvter men jattyǵýlardyń oryndalýyn kórsetip, sondaı-aq, «Atletızm, Tabandylyq. Alǵyrlyq» kedergiler jolaǵynan ótkenderin pash etti. Bir kúnniń qorytyndysy boıynsha birshama oqýshylar alǵan áserlerimen bólisti jáne mektepti támamdaǵannan keıin olar QR Qarýly Kúshter qatarynda mindetti túrde qyzmet etetinderin atap ótti.
