250 myńnan astam almatylyq referendýmdy qoldap otyr
ALMATY. 17 qańtar. QazAqparat /Erbol Azanbek/ - Almaty qalasynyń 250 myńnan astam turǵyndary QR Prezıdenti Nursultan Nazarbaevtyń prezıdenttik ókilettigin 2020 jylǵa deıin uzartý jónindegi referendýmdy ótkizýdi qoldap otyr. Bul týraly búgin Almatydaǵy Qazaq ulttyq agrarlyq ýnıversıtetinde ótken «Qazaqstan-2020» demokratııalyq kúshterdiń jalpyulttyq koalıtsııasyn qoldaý jónindegi jurtshylyq ókilderiniń jınalysynda aıtyldy.
Jınalysqa saıası partııalardyń, úkimettik emes uıymdardyń ókilderi, ǵylym jáne shyǵarmashyl toptyń adamdary, ónerkásipshiler, kásipkerler, ardagerler uıymdary men jastar uıymdary qatysty. Olardyń ishinde QR Ulttyq ǵylym akademııasynyń prezıdenti Murat Jurynov, «Nur Otan» HDP Almaty qalalyq fılıaly tóraǵasynyń birinshi orynbasary Mahambet Beıdalı, QR Generaldar keńesiniń tóraǵasy Rústem Qaıdarov, Qazaqstan halyq Assambleıasy Tóraǵasynyń orynbasary, «Uıǵyr respýblıkalyq mádenıet ortalyǵy» qoǵamdyq birlestiginiń tóraǵasy Ahmetjan Shardınov, Almaty qalasy kásipkerler qaýymdastyǵynyń prezıdenti Vıktor ıAmbaev, Qazaqstan Jazýshylar odaǵynyń tóraǵasy Nurlan Orazalın bar. Jıyn barysynda elimiz boıynsha mıllıondaǵan qazaqstandyqtardyń, qoǵamnyń barlyq salasyndaǵy uıymdardyń QR Tuńǵysh Prezıdenti N.Á. Nazarbaevtyń ókilettiigin 2020 jylǵa deıin uzartý jónindegi jalpyhalyqtyq referendým ótkizý týraly bastamany qoldap otyrǵandyǵy aıtyldy. Jıynǵa qatysýshylar «Nur Otan» HDP bastamasyn qoldaýǵa barlyq uıymdardy shaqyrdy. «Qazaqstandaǵy barlyq saıası partııalardy, qoǵamdyq uıymdardy bastamany qoldaýǵa, Elbasyna senim bildirýge shaqyramyn. Elbasynyń eren eńbegin eskere otyryp bul bastamany qoldaý árbir qazaqstandyqtyń paryzy dep bilemin»,- dedi QR UǴA prezıdenti Murat Jurynov.
