250 mln teńgege baǵalanǵan altyndy Reseıge alyp ótpek bolǵan adam ustaldy
QOSTANAI OBLYSY. QazAqparat – Shekaradan altyny keni salynǵan qaptardy zańsyz alyp ótpek bolǵan adam ustaldy, dep habarlaıdy QazAqparat UQK silteme jasap.
Qostanaı oblysynda shekara arqyly birneshe keli altyn alyp ótpek bolǵan kúdikti ustaldy, dep habarlaıdy QazAqparat QR UQK Shekara qyzmeti Qostanaı oblysy boıynsha Departamentiniń baspasóz qyzmetine silteme jasap.
Oqıǵa 27 shilde kúni saǵat 18.45-te QR UQK Shekara qyzmeti Qostanaı oblystyq Departamentine qarasty «Qaıraq» shekaralyq baqylaý bóliminde bolǵan.
«Shekarashylar Qazaqstan Respýblıkasynyń azamaty mingen «Volvo» markaly kólikti toqtatty. Shekaralyq baqylaýdan ótkizý kezinde kólikten «altyn kenin» tapty. Jalpy salmaǵy – shamamen 10 tonna. Altyn 12 dana qapqa salynǵan. Qujat boıynsha júk 13 tonnany quraıtyn «kvartsıt» zaty bolyp rásimdelgen.
Internet-resýrstardyń málimeti boıynsha 1 tonna altyn keninen 1 keli taza altyn shyǵady. QR Ulttyq bankiniń málimetine súıensek, 1 gramm altynnyń naryqtaǵy quny – 25 213 teńge», – deıdi Shekara qyzmetiniń Qostanaı oblysy boıynsha baspasóz qyzmeti
maıor Manarbek Qarekenov.
Shekaradan altyn alyp ótpek bolǵan azamat memleketke shamamen 250 000 000 teńge shyǵyn keltirgen.
