250 eldi meken sý basýdyń qaýipti aımaǵynda qalyp otyr

NUR-SULTAN. QazAqparat – Bıyl elimizde aýqymdy sý tasqynyna jol berilgen joq. Bul týraly Májilistegi azamattyq qorǵaý júıesine qatysty Úkimet saǵatynda Tótenshe jaǵdaılar mınıstri ıÝrıı Ilın málim etti, dep habarlaıdy QazAqparat tilshisi.

«Bıyl elimizde aýqymdy sý tasqynyna jol berilgen joq. Elimizdiń bes eldi mekeninde 49 turǵyn úıdi sý basty, olardyń basym bóligi (39 úı) Qostanaı oblysynda boldy. Avtojol ýchaskelerinde 7 sý tasý jáne 4 sý shaıý jaǵdaıy tirkeldi», - dedi ıÝ. Ilın.

Onyń aıtýynsha, qazirgi ýaqytta kóktemgi sý tasqyny bolýy múmkin 925 eldi mekenniń 250-i qaýipti aımaqta qalyp otyr.

«Bıyl 46 shaqyrym bógen salyndy jáne jóndeldi,

75 shaqyrym jaǵalaýdy bekitý, sondaı-aq ózen arnalaryn túzetý (26 km) jáne tereńdetý (71 km) jumystary júrgizildi», - dedi mınıstr.

Budan buryn habarlanǵandaı, Tótenshe jaǵdaılar mınıstri ıÝrıı Ilın órt qaýipsizdigine baılanysty 1 myńnan astam nysandy paıdalaný toqtatylǵanyn aıtty.