250-den astam aýyl mektebi joǵary jyldamdyqty ınternetke qosyldy

NUR-SULTAN. QazAqparat – Búginde Qazaqstanda shalǵaıdaǵy eldi mekenderde ornalasqan 250-den astam mektep pen 200-ge jýyq aýrýhana joǵary jyldamdyqty ınternetke qosylǵan. Bul týraly QR Tsıfrlyq damý, qorǵanys jáne aeroǵarysh ónerkásibi mınıstrliginiń baspasóz qyzmetinen málim etti, dep habarlaıdy QazAqparat.

Mınıstrlikten málim etkendeı, 3 myń shaqyrym talshyqty-optıkalyq baılanys jelileri júrgizilip, nátıjesinde Jambyl, Qaraǵandy, Qyzylorda, Pavlodar, Aqtóbe, Aqmola jáne Túrkistan oblystarynda ornalasqan 200-den astam aýylǵa Internet jetkizilgen.

Jalpy, «Tsıfrlyq Qazaqstan» memlekettik baǵdarlamasy sheńberinde iske asyrylyp jatqan «QR aýyldyq eldi mekenderin talshyqty-optıkalyq baılanys jelileri tehnologııasy boıynsha keń jolaqty qoljetimdilikpen qamtamasyz etý» jobasy aıasynda jyl sońyna deıin 685 aýylda ornalasqan 2 myńnan astam memlekettik organ men bıýdjettik uıymdy joǵary jyldamdyqty ınternetke qosý josparlanǵan.

«Bul joba biz úshin óte mańyzdy, sebebi azamattardy sapaly ınternetpen qamtamasyz etken soń, tsıfrlandyrýdyń joǵary deńgeıi týraly aıtýǵa bolady. Bul joba aýyl oqýshylaryna túrli baǵdarlamalar boıynsha onlaın rejıminde bilimin jetildirýge, dárigerlerge telemedıtsına elementterin óz tájirıbesinde qoldanýǵa múmkindik berse, azamattar «Elektrondyq úkimet» portaly arqyly memlekettik qyzmetterdi úılerinde otyryp alatyn bolady jáne basqa da kóptegen múmkindikterge ıe bolady«, - dep atap ótti QR Tsıfrlyq damý, ınnovatsııalar jáne aeroǵarysh ónerkásibi mınıstrligi Telekommýnıkatsııalar komıtetiniń tóraǵasy Vıtalıı ıAroshenko.

2018 jyldyń qazan aıynda »Qazaqtelekom« AQ jáne »Transtelekom« AQ jáne »SilkNetCom« JShS quramyndaǵy konsortsıým ókilderi QR Aqparat jáne kommýnıkatsııa mınıstrligimen »Qazaqstan Respýblıkasynyń aýyldyq eldi mekenderin talshyqty-optıkalyq baılanys jelileri tehnologııasy boıynsha keń jolaqty qoljetimdilikpen qamtamasyz etý« jobasy boıynsha memlekettik-jekemenshik áriptestik shartyna qol qoıǵanyn aıtyp ótken jón. Jelilerdiń jalpy uzyndyǵy 20 myńnan astam shaqyrymdy quraıdy. Jobany iske asyrý nátıjesinde 1250 aýylda 3 718 memlekettik organdar men bıýdjettik uıymdarǵa (aýrýhanalar, mektepter, apattyq qyzmetter, jergilikti atqarýshy organdar, qorǵanys obektileri jáne quqyqqorǵaý organdary) joǵary jyldamdyqty ınternetke qoljetimdilikpen qamtylady. 2018 jyldyń qorytyndysy boıynsha 56 aýylda ornalasqan 177 memlekettik organ men bıýdjettik uıymdarǵa baılanys qyzmetteri usynyldy.