250-den astam astanalyq zańgerlerden tegin keńes aldy
ASTANA. 7 maýsym. QazAqparat - Elordalyq zańgerler respýblıkalyq «ıÝstıtsııa keńes beredi» aktsııasy aıasynda qala turǵyndarymen kezdesý ótkizdi. 5-7 maýsym aralyǵynda ótken aktsııadan 250-den astam turǵynnyń zańgerlik keńes alǵany jóninde astana.kz saıtyna qalalyq ádilet departamentiniń baspasóz qyzmetinen habarlady.
«Ótkizilgen aktsııanyń basty maqsaty - turǵyndarǵa quqyqtyq keńes berý, zeınetkerler, jetim balalar, kóp balaly otbasylar men basqa da qala turǵyndaryna qoldaý kórsetý»,- dedi mekeme qyzmetkerleri. Aqparattyq-nasıhat tobynyń quramynda atalǵan Departamenttiń qurylymdyq bóliminiń qyzmetkerleri, sot oryndaýshylary, elordanyń qorǵaýshylary men notarıýstary, sondaı-aq, Jer qatynastary basqarmasynan shaqyrtylǵan ókilder, Astana qalasy ІІD Kóshi-qon polıtsııasy, Balalardyń quqyǵyn qorǵaý Departamenti syndy mekemeler bar.
Aktsııa úsh kezeń boıynsha ótti. Alǵashqy kúni Kóktal turǵyn alaby men Astana qalasy ákimdiginiń qart múgedekterine arnalǵan medıtsınalyq-áleýmettik mekemesinde turǵyndarmen kezdesý uıymdastyryldy. Ekinshi kúni «Nur Otan» HDP-nyń Astana qalalyq fılıalynyń bazasynda turǵyndardy qabyldaý júrgizildi.
Sonymen qatar, osy kúni zańgerler Kámelettik jasqa tolmaǵan balalardy beıimdeý ortalyǵynyń tárbıelenýshilerimen kezdesý ótkizdi. Aktsııanyń sońǵy kúni Almaty aýdandyq Halyqqa qyzmet kórsetý ortalyǵynda «Ashyq esik kúni» uıymdastyryldy.
Aktsııa aıasynda 250-den astam turǵyn ózine qajetti keńes aldy. Qoıylǵan suraqtardyń basym kópshiligi muragerlik qabyldaý, sot sheshiminiń oryndalýy, jyljymaıtyn múlik pen jer ýchaskesin zańdastyrý, atamekenine oralǵan qazaqtardyń qujat tapsyrý tártibi men turǵyn-úıge zárý azamattardy kezekke turǵyzý jóninde boldy. Astana qalasy ádilet departamenti baspasóz qyzmetiniń málimetine súıensek, kóterilgen barlyq máseleler sheshimin taýyp, qoıylǵan suraqtar jaýapsyz qalmaǵan.
