«250 azamatty «arbaǵan» áıel» - respýblıkalyq basylymdarǵa sholý
ASTANA. Aqpannyń 3-i. /QazAqparat/ - Qazaq aqparat agenttigi respýblıkalyq basylymdarda aqpannyń 3-i, sársenbi kúni shyqqan ózekti materıaldarǵa sholýdy usynady.
Qazaqstan Respýblıkasy Parlamenti Májilisiniń Tóraǵasy Oral Muhamedjanov Germanııa Federatıvtik Respýblıkasy Syrtqy ister mınıstrliginiń Memlekettik mınıstri Kornelııa Pıper hanymdy qabyldady. «Egemen Qazaqstan» basylymynyń búgingi sanyndaǵy «Baılanystar jańa deńgeıge kóterilmek» taqyrybymen berilgen maqala osy kezdesýdiń mańyzyna toqtalypty. «Taraptar eki el arasyndaǵy baılanysty barlyq salada jáne ár deńgeıde jan-jaqty damytýdyń mańyzdylyǵy óte zor ekenin aıtty», - deıdi basylym.
«Júregi jaqsylardyń altyn sandyq, sandyqty kilt bolmasa kim ashady?" demekshi, keıde keıipkerińniń obrazyn asha almaı qalasyń. Kiltin taba almaısyń. Ana bir kezde Gúljamal jaıly jazýǵa talpyndym, bolmady. Aldyrtpady. Buǵan sebep aldymen onyń kóringenge kóp ashyla bermeıtini bolsa, ekinshiden Gúlekeńmen atústi sóıleskenim bolar deımin. Odan keıin umytylyp ketken sharýanyń yńǵaıy endi kelgen sııaqty». Osylaı oı órbitken «Egemen Qazaqstan» basylymynń búgingi sanyndaǵy kelesi maqala «Qurtqany sonda bilersiń...» degen taqyryppen Qazaqstannyń eńbek sińirgen ártisi, Memlekettik syılyqtyń laýreaty Gúljamal Qazaqbaeva jaıynda sóz qozǵaıdy.
Sondaı-aq «Egemen Qazaqstan» gazetiniń búgingi sanynda «Qazaqstan Respýblıkasynyń keıbir zańnamalyq aktilerine sot-saraptama qyzmeti máseleleri boıynsha ózgerister men tolyqtyrýlar engizý týraly» zańy jarııalanypty.
***
Barys jyly Qazaq eli ǵarysh keńistigine qaıta qulash urady: keshe qazaqstandyq «kazsat-2» jer serigin ushyrý bıylǵy jyldyń jeltoqsanyna belgilengeni jarııa boldy. «Aıqyn» basylymynyń búgingi sanynda jaryq kórgen «Qazaqstan «Baıqońyrdy» qaıtarýǵa kirisedi» attymaqala osy jaǵymdy jańalyqpen habardar etipti. «Bul mańyzdy oqıǵa Qazaqstannyń eýropalyq keýdeli uıymǵa tóraǵalyǵyna, Elbasynyń jańa onjyldyqtaǵy memleketimizdiń órleýiniń strategııalyq baǵdaryn aıqyndaýyna, elimizdiń údemeli ındýstrııalyq-ınovatsııalyq damý belesine aıaq basýyna arnalatyndyqtan, oǵan zor saıası mańyz berilmek»,- deıdi basylym.
Almaty oblysynyń polıtseıleri el aman, jurt tynyshta 250 azamatty aldap, qyrýar qarjysyn qoldy etken bir kelinshekti qolǵa túsirdi. Bul ne sumdyq? «Aıqyn» gazetiniń búgingi sanyndaǵy «250 azamatty «arbaǵan» áıel» atty maqalany oqýǵa asyǵyńyz.
«Meniń sportta alǵa qoıǵan bir ǵana armanym bar. Álemdik arenaǵa shyǵyp, dúıim jurttyń aldynda qazaqtyń myqtylyǵy men tektiligin tanytý»,- deıdi erejesiz jekpe-jekten Eýrazııa jáne TMD chempıony Beknar Amanbaev «Aıqyn» gazetine bergen suhbatynda. Baıraqty básekelerde bedelimizdi tiktep júrgen batyr uldaryńyben oı bóliskińiz kelse, «Qazaqtyń tektiligin tanytqym keledi» taqyrybymen berilgen suhbatqa nazar aýdaryńyz.
***
Áıgili frantsýz ǵalymy Sharl Lýı Monteske bólip kórsetken bıliktiń úsh tarmaǵy - zań shyǵarýshy, atqarýshy jáne sot bıliginiń táýelsizdik alǵanyna 18 jyl bolǵan bizdiń elimizde aldyńǵy ekeýi jemisti eńbek atqarsa, úshinshi tarmaǵy, ıaǵnı sot júıesin reformalaý kún tártibine shyǵarylyp otyrǵan syńaıly. Osy bir mańyzdy máseleni Elbasymyz ótken jyly qarasha aıynda Astana qalasynda ótken Qazaqstan Respýblıkasy sýdıalarynyń V sezinde aıtsa, kúni keshegi Qazaqstan halqyna joldaǵan sońǵy joldaýynda da taǵy bir atap ótti. Máseleniń qanshalyqty mańyzdy ekendigi jaıly «Alash aınasy» gazetiniń búgingi sanynda jarııalanǵan Jarqyn Túsipbekulynyń «Femıdanyń qısyq tarazysyn qalaı túzetemiz?» atty maqalasynan oqı alasyzdar.
«Múgedek balalardy kútýshilerge tek 18 jasqa deıin ǵana járdemaqy taǵaıyndaý kerek pe?» Bıyldan bastap elimizde qolǵa alynǵan osyndaı qadamnyń eskerilmeı qalǵan tusy da bar sııaqty. Sebebi 18 jastan keıin múgedek balanyń jaǵdaıy jaqsaryp kete me? Atalǵan saýal tóńireginde qoǵam qaıratkeri Amangeldi Aıtaly men zańger Káribaı Tasshabaev «Alash aınasynyń» oı-kókpar aıdarynda pikir talastyrady.
Osydan týra 10 kún buryn «Darıal Ý» radıolokatsııalyq stansysynda bolǵan apat saldarynan qırandylar astynda qalyp qoıǵan kisilerdi izdestirý jumysy toqtatyldy. Osy bir qaıǵyly oqıǵanyń egjeı-tegjeıin bilgińiz kelse, basylymnyń búgingi sanyndaǵy «Darıal Ý» qasiretine kim jaýap beredi?» taqyrybymen berilgen maqalany oqyńyz.
