25 jyldyń ishinde júzdegen polıtseı oqqa ushty
«Jalpy, Táýelsizdik alǵannan beri qyzmet babyndaǵy erligi men janqııarlyǵy úshin 1 093 qyzmetker marapattaldy. Olardyń ishinde qaza bolǵan ulttyq ulan men ishki ister organdarynyń 115 qyzmetkeri bar. Oǵan qosa, bıyl Táýelsizdiktiń 25 jyldyǵyna oraı ishki ister organdary men Ulttyq ulannyń 54 qyzmetkeri memlekettik nagradamen, sondaı-aq 659 adam vedomstvolyq nagradalarmen dıplomdarmen marapattady», - delingen resmı habarlamada.
Aıta keteıik, 25 jyldyń ishinde ishki ister organdarynyń eki qyzmetkeri «Halyq Qaharmany» ataǵymen marapattalǵan bolatyn. Solardyń bireýi - Ǵazız Baıtasov. 2011 jyly ol Tarazdaǵy lańkesti ustaý operatsııasy barysynda granatany óz denesimen jaýyp, erlikpen qaza tapqan edi.
Budan bólek, bıyl Aqtóbe men Almatydaǵy terrorlyq áreketter kezinde oqqa ushqan polıtseılerdiń otbasylaryna memlekettik jáne úkimettik nagradalar tabystalatyn bolady.
«Negizi, bizde adamdy qutqaramyn dep, opat bolǵan polıtseıler az emes. Bireýdi pyshaqtap ketedi, endi bireýi júk mashınasyn óz kóligimen toqtatyp, adam qutqarǵan. Ondaı mysaldar kóp. Olardyń barlyǵy -búgingi kúnniń qaharmandary», - deıdi polıtseıler.
