25 jyldyń 25 sáti - baspasózge sholý
***
«Egemen Qazaqstan» gazeti Qazaqstan Respýblıkasynyń Tuńǵysh Prezıdenti Elbasy kitaphanasyndaǵy ár jyldarda Nursultan Ábishulyna álemniń aımańdaı myqtylary, sonymen qatar, jaı qarapaıym adamdar syılaǵan kitaptar týraly jazyp otyr.
Mysaly, Ulybrıtanııanyń ańyzǵa aınalǵan Premer-mınıstri óziniń 1995 jyly shyqqan «Bılikke jol» atty ǵumyrnamalyq kitabyn «Prezıdent Nazarbaevqa izgi tilektermen. Margaret Tetcher» degen qoltańbasyn qoıyp jazyp bergen eken. Birshama ýaqyt ótkennen keıin N.Á.Nazarbaevtyń «Qazaqstandyq jol» atty kitabynyń aǵylshynsha basylymynyń alǵysózinde M.Tetcher bylaı depti: «Memleketterdiń negizin qalaýshy-ákeleri» árqashan daraboz tulǵalar bolyp keledi, Nursultan Nazarbaev ta tolyqtaı naq osy sanatqa jatady. Prezıdent Nazarbaev Qazaqstandy búgingi bıigine jetkizý úshin batyldyq pen baıyptylyqty birdeı ushtastyryp paıdalana bildi. Kommýnızm buǵaýyn silkip tastaǵan el óziniń erekshe qazaqtyq qalybyn saqtap qaldy. Prezıdent Nazarbaev ekonomıka men qoǵamnyń ashyqtyǵyna, ıaǵnı óziniń keıbir kórshileri baıbalamdaı bas tartqan nárselerge umtyldy, sóıtip, ol halyqaralyq uıymdarda Qazaqstanǵa aıtarlyqtaı bedel jınady...».
Basylymnyń habarlaýynsha, sondaı-aq, 2015 jyldyń mamyrynda, Saıası qýǵyn-súrgin qurbandaryn eske alý kúni qarsańynda Prezıdent Ákimshiligine belgili qazaqstandyq tarıhshy ǵalym Ermuqan Bekmahanovtyń týystarynan «Noqtalanǵan tarıhshy» atty kitap kelip tústi. Ondaǵy qysqa ǵana ańdatpada bylaı delingen: «Qazaqstan Prezıdenti myrzaǵa bizdiń ákemiz esimi Otanymyzdyń shekarasynan áldeqashan attap ketken Ermuqan Bekmahanov týraly izgilikti estelik úshin. Qurmetpen, Bekmahanovtar otbasy» dep qoltańba qoıylǵan eken. Bul týraly «Egemen Qazaqstan» gazetiniń búgingi sanyndaǵy «Avtorlyq qoltańba aıshyqtary» atty maqaladan oqı alasyzdar.
Sondaı-aq basylym búgin Táýelsizdiktiń 25 jylynan 25 aıryqsha derek usynyp otyr. QR Prezıdentiniń baspasóz qyzmetimen birlese otyryp «Egemen Qazaqstan» gazetiniń júzege asyrǵan bul jobasy 1994 jyldyń 6 shildesinen bergi óte mańyzdy oqıǵalardy tizbektep shyqqan. «1994 jyl, 6 shilde. Astana Almatydan Aqmolaǵa kóshetin boldy.
Prezıdenttiń tańdaýy, Parlamenttiń sheshimi osyndaı.
Osydan týra jıyrma eki jyl buryn, 1994 jyldyń 6 shildesinde jańa astana jáne elorda degen uǵymdar alǵash ret tarıh sahnasyna shyǵyp, qazaq sanasynda máńgilik saltanat qurdy. Dál sol kúni Tuńǵysh Prezıdentimiz Nursultan Nazarbaev Parlament sessııasynyń jalpy otyrysynda elordany Almatydan respýblıkanyń ortalyq óńiri Aqmolaǵa kóshirý jónindegi tarıhı ıdeıasyn pash etti. «Meniń tapsyrmam boıynsha, memlekettiń jańa astanasyn ornalastyrýǵa ońtaıly jerdi anyqtaý maqsatymen respýblıkanyń búkil aýmaǵy egjeı-tegjeıli zertteldi. 32 turǵydan júrgizilgen taldaý barlyq nusqalardyń ishinen eń durysy Aqmola qalasy ekendigin kórsetti...», dedi Memleket basshysy sol bir taǵdyrsheshti tarıhı sátte» dep jazady basylym. Sol 1994 jyldyń 6 shildesinen bergi tarıhı sátterdi eske alǵyńyz kelse, «Egemen Qazaqstan» gazetiniń búgingi sanynda jaryq kórgen «25 jyldyń 25 sáti» atty maqaladan oqı alasyzdar
***
«Kazahstanskaıa pravda» gazetiniń habarlaýynsha, Pavlodar oblysynda ınomarka mingen 62 jastaǵy adam túngi úshte bulan men onyń tólin qaǵyp ketken. Janýarlar sol jerde ólgen, al júrgizýshi men onyń jolaýshysy aýrýhanaǵa túsken. Júrgizýshi qazir aýyr halde aýrýhanada jatyr eken. Al, Pavlodar qalasynyń orman jáne janýarlar álemin qorǵaý mekemesiniń dırektory Ajdar Júsipovtiń aıtýynsha, eki bulan úshin júrgizýshi eki júz aılyq eseptik kórsetkishke deıin aıyppul tóleıdi. Oqys oqıǵa týraly gazet betindegi «Pogıblı losı, postradalı lıýdı» atty maqaladan oqı alasyzdar.
***
«Ekspress K» gazetiniń habarlaýynsha, Reseı Federatsııasynda Qazaqstanda týǵan 25 jastaǵy jigit óziniń týǵan ulyn bir jarym mıllıon rýblǵa satpaq bolǵan. Ol aqshaǵa úı alýdy armandaǵan er adam bul pıǵyly týraly Internetke jarnama beripti, sol kezde polıtsııa qyzmetkerleri satyp alýshynyń keıpine enip, jigitti qylmys ústinde ustaǵan eken. Basylymnyń habarlaýynsha, jas áke bul áreketke sharasyzdyqtan bardym dep túsinikteme bergen. Onyń áıeli jas balasy men kúıeýin tastap, Qazaqstanǵa taıyp turǵan eken. «Balam durys otbasynda óssin dep oılap, ony jaǵdaıy jaqsy otbasyǵa bergim keldi» degen jas áke. Endi ol 4,5 jylǵa sottalýy múmkin. Bul týraly maqaala «Menıaıý syna na hatý» degen taqyryppen berilip otyr.
