25 jylda Aral teńiziniń qurǵaǵan ultanyna 156 myń ga sekseýil egildi
QYZYLORDA. QazAqparat - 1 shildede Syr óńirinde balyqshylar sleti ótedi. Balyq sharýashylyǵy mamandarynyń tájirıbe almasý alańyna aınalǵan shara bıyl úshinshi ret uıymdastyrylmaq. Bul týraly búgin Óńirlik kommýnıkatsııalar qyzmetinde ótken baspasóz-konferentsııasynda Qyzylorda oblystyq tabıǵı resýrstar jáne tabıǵat paıdalanýdy retteý basqarmasy basshysynyń orynbasary Baýyrjan Shamenov málimdedi, dep habarlaıdy QazAqparat.
Aımaqta jylyna 8-8,5 myń tonnaǵa deıin balyq aýlanyp, onyń kóp bóligi balyq óńdeý zaýyttarynda óńdelýde. Bul balyq óńdeý salasynyń qarqyndy damyp, balyq ónimderi eksportynyń kólemin arttyrýǵa múmkindik berdi.
2017 jyldyń 1-toqsanynda eksportqa shyǵarylǵan balyq ónimderiniń 65 paıyzy Reseı Federatsııasyna, 35 paıyzy (Polsha -129,3 tonna, Danııa-31,74 tonna, Ázirbaıjan - 20,0 tonna alys shetelderge jóneltildi.
Baýyrjan Shamenovtyń aıtýynsha, 2017 jyly 4 kanaldy (Qazaly aýdany, Qazaly qalasyndaǵy «Gorsovet», «Dáýlet-aryq», Jalaǵash aýdany Buharbaı batyr aýyldyq okrýgindegi «Alpamys», Shıeli aýdany Shıeli kentindegi «Baısary» kanalyndary) tazalaý, ózdiginen aıaq sý barmaıtyn eldi mekenderge 8 dana nasos qondyrǵylaryn alyp berý, Aral aýdanyndaǵy «Baıan» jáne «Kókish» kanaldaryn jóndeý jumystarynyń jobalyq-smetalyq qujattaryn ázirleý jumystary júrgiziletin bolady.
Aıta keteıik, oblys aýmaǵynda memlekettik orman qorynyń jalpy kólemi 6,5 mln.gektar, sonyń 3 mln gektary ormandy alqaptar. Orman quraýshy negizgi aǵash - sekseýil. 2017 jyly orman qory jerlerinde 438 km jańadan órt jolaqtary, 3193 km eski órt jolaqtary júrgiziledi. Orman sharýashylyǵy mekemeleriniń materıaldyq tehnıkalyq bazasy 75 paıyzǵa nyǵaıtylǵan. Orman alqabyn molaıtý maqsatynda jyl saıyn 10 707 ga sekseýil, saıaly aǵash kóshetteri egilýde, sonyń 5 myń ga Aral teńiziniń qurǵaǵan ultanyna otyrǵyzyldy.
Sońǵy 25 jylda Aral teńiziniń qurǵaǵan ultanyna 156 myń ga sekseýil egildi.
Bıyl Ońtústik Koreıa Respýblıkasy teńizdiń ultanynyń 30 myń ga jerine fıtoormanmelıoratsııalyq jumystaryn júrgizýge 1,5 mln AQSh dollar kóleminde qarjy bólýdi josparlap otyr.
