25 jyl túrmede otyrǵannan keıin aqtalǵan amerıkalyqqa $6 mln tólenedi
ASTANA. QazAqparat - Nıý-Iork bıligi kisi óltirdi degen aıyppen sottalyp, 25 jyl túrmede otyrǵannan keıin aqtalǵan er adamǵa 6,25 mln dollar tóleýge kelisti.
Djonatan Flemıngtiń aıǵaqty dálelin prokýrorlar moıyndaǵannan keıin ony ótken jyly túrmeden bosatqan.
«Biz árıne, qapasta otyrǵan jyldaryn qaıtaryp bere almaımyz. Tek Nıý-Iork oǵan qatysty jasaǵan ádiletsizdigi úshin ótemaqy usyna alady», - dedi Nıý-Iork qazynashysy Skott Sınger.
Anyqtalǵandaı, 1989 jyly aıyptaý jaǵyna shyqqan prokýrorlarda Djonatan Flemıngte naqty aıǵaq - Nıý-Iorktegi oryn alǵan kisi ólimine deıin bes saǵat buryn tólengen Florıda qonaqúıiniń chegi bolǵan. Alaıda prokýrorlar bul aıǵaqty jasyryp qalǵan.
