25 jyl boıy túrmede jazyqsyz otyryp, bostandyqqa shyqty
ASTANA. QazAqparat - AQSh-ta kisi óltirdi dep aıyptalyp, ózi jasamaǵan qylmysy úshin 25 jyl túrmede otyrǵan Djonatan Flemıng bostandyqqa shyqty.
Habarlanǵandaı, «sýdıa kisi ólimi oqıǵasy bolǵan kezde Flemıngtiń shyn mánisinde Florıdada demalysta bolǵanyn moıyndady».
Qazir jasy 51-ge kelgen Nıý-Iork turǵyny oǵan artylǵan aıyptaýlar alynyp tastalǵannan keıin Brýklındegi joǵarǵy sot zalyn tastap shyqty. «Osy kúndi kóp kútken onyń qýanyshynda shek joq. Sonymen birge, 25 jyl boıy ózi jasamaǵan qylmysy úshin qamaýda otyrǵanyna jabyrqaýly», - deıdi qorǵaýshysy Teılor Koss.
Osy jyldar boıy sottalýshy 1989 jyly Brýklınde bolǵan óz dosynyń ólimine qatysy barlyǵyn teriske shyǵaryp kelgen bolatyn, dep jazady «Rossııskaıa gazeta».
