«25 jyl - bilim salasyndaǵy 25 jetistik» atty oblystyq semınar ótti - OQO
ShYMKENT. QazAqparat - Qazaqstan Respýblıkasy Táýelsizdiginiń 25 jyldyǵyna oraı Kentaý qalasyna qarasty Hantaǵy eldi mekenindegi Abaı atyndaǵy №5 jalpy orta mektebinde "25 jyl - bilim salasyndaǵy 25 jetistik" atty oblystyq semınar bolyp ótti, dep habarlaıdy qala ákimdiginiń baspasóz qyzmeti.
Oǵan qala kólemindegi barlyq mektep muǵalimderi qatysty.
Semınardyń maqsaty men mindetin keń kólemde túsindirgen mektep dırektorynyń mindetin atqarýshy N.Shaımov oqýshylardy UBT-ǵa daıyndaýdaǵy ádis-tásilder jóninde aıtyp ótti. Bilim men biliktilikti damytý, aqparat almasý, muǵalimderdiń kásibı biliktiligin jáne shyǵarmashylyǵyn arttyrýǵa yqpal etý jaıyn sóz etti. Sondaı-aq, zamanaýı aqparattyq tehnologııalardy qoldaný arqyly bilim berýge, jańa talaptardy júzege asyrýǵa qamtamasyz etý, oqýshylardyń fýnktsıonaldyq saýattylyqtaryn damytýǵa baǵyttylǵan test tapsyrmalaryn qoldaný, is-tájirbıemen almasý kerek ekendigin jetkizdi. Al, qalalyq bilim berý bóliminiń bas mamany T.Asanov atqarylyp jatqan jumystarǵa toqtalyp ótti. Mektep dırektorynyń beıindik oqytý isi jónindegi orynbasary Maqpal Nýrmýhametova mektep ujymy men oqýshylardyń jetistikterin slaıd shoý arqyly kórsetip ótip, baıandama jasady.
Semınar barysynda ár pánniń muǵalimderi ózindik jasaǵan jumystaryn qorǵady. Pedagog-psıholog M.Mamınova "UBT - ata-ana kózimen" psıhologııalyq trenıng, al qazaq tili jáne ádebıeti pániniń muǵalimi J.Jarmuhanbetova men bastaýysh synyp muǵalimi R.Doldanova "Kreatıvti oılaý-tyǵyryqtan shyǵýdyń bir joly" taqyrybynda kelgen qonaqtarmen koýchıng sabaǵyn ótkizdi.
