25 jeltoqsan kúni Qazaqstanda ótetin mańyzdy sharalarǵa sholý
ASTANA. QazAqparat - «QazAqparat» halyqaralyq aqparat agenttigi 25 jeltoqsan kúni Qazaqstanda ótetin mańyzdy oqıǵalardyń sholýyn usynady.
ASTANA
9.00-de QR Mádenıet jáne sport mınıstrligi men Qazaqstan Jaýyngerlik ónerler qaýymdastyǵynyń uıymdastyrýymen eki MMA federatsııasynyń (Qazaqstannyń MMA federatsııasy jáne Qazaqstannyń Ulttyq MMA, pankratıon jáne grepplıng federatsııasy) otyrysy bolady. Otyrysty QR mádenıet jáne sport mınıstri Arystanbek Muhamedıuly jáne Qazaqstannyń Jaýyngerlik ónerler qaýymdastyǵynyń birinshi vıtse-prezıdenti Ánýar Sadyqulov ótkizedi.
9.30-de «Grand Park Esil» qonaqúıinde «Quqyq qorǵaý organdary qyzmetiniń ashyqtyǵy» taqyrybynda konferentsııa ótedi.
10.00-de Úkimet úıinde Úkimet otyrysy ótedi.
10.00-de «Aqbozat» demalys aımaǵynda balalar-jasóspirimder sporty jáne salaýatty ómir salty boıynsha «Bolashaq búginnen bastalady» atty qysqy festıval ótedi.
10.00-de oqýshylar saraıynda Astana qalasynyń ákimi Baqyt Sultanovtyń atynan balalardyń Jańa jyl shyrshasy merekesi bastalady.
11.00-de «Atameken» ulttyq kásipkerler palatasynda «Úlken ekonomıkadaǵy shaǵyn bıznes» taqyrybynda dóńgelek ústel ótedi.
15.00-de Astana ákimdiginiń baspasóz ortalyǵynda Astana qalasy bilim basqarmasynyń basshysy Ánýar Janǵozınniń qatysýymen «Mektep oqýshylarynyń tamaqtanýy jónindegi komıssııa jumysynyń qorytyndylary týraly» brıfıng bolady.
15.00-de QR Mádenıet jáne sport mınıstri Arystanbek Muhamedıuly Q. Qýanyshbaev atyndaǵy Qazaq memlekettik akademııalyq mýzykalyq drama teatrynyń shyǵarmashylyq ujymymen kezdesedi.
ALMATY
11.00-de «Turǵyn úı qurylys jınaq banki» AQ-nyń 2018 jylǵy qyzmetiniń qorytyndylaryna arnalǵan baspasóz máslıhaty ótedi.
