25 jastaǵy tarazdyq 2 jyldan beri ınternet-alaıaqtyqpen aınalysyp kelgen
Alaıaq azamatsha eki jyl boıy ınternet-resýrstardy, dálirek aıtqanda, óziniń «Instagram» jelisindegi paraqshasyn paıdalana otyryp, áıelder kıimin satý syltaýymen satyp alýshylardyń aqshalaı qarajatyn zańsyz ıemdenip kelgen.
Alaıaqtyqtyń qurbandary kóbine Almaty, Nur-Sultan, Aqtaý, Taraz, Shymkent, Qyzylorda qalalarynyń jáne basqa da óńirlerdiń turǵyndary bolyp tabylady.
Taraz qalasy Polıtsııa basqarmasynyń tergeýshisi Úsen Smaıylovtyń kásibı biliktiliginiń nátıjesinde qysqa merzimde joǵaryda atalǵan azamatshanyń aldaýyna keıbir azamattardyń qatystylyǵyn rastaıtyn jetkilikti dáleldemeler men bultartpas aıǵaqtar jınalǵan.
«Internet jelisindegi kúdikti alaıaqtyń áreketteri QR QK 190-baby 3-bóligi 4-tarmaǵy (birneshe ret jasalǵan alaıaqtyq) boıynsha saralanǵan. Osy baptyń sanktsııasy múlkin tárkileı otyryp, 3 jyldan 7 jylǵa deıin bas bostandyǵynan aıyrý túrindegi qylmystyq jazany kózdeıdi. Qurmetti azamattar! Eger siz aldanyp, alaıaqtardyń qurbany bolsańyz, Taraz qalasy Rysbek batyr kóshesi, №5 «a» mekenjaıy boıynsha Taraz qalasynyń Polıtsııa basqarmasyna júginýińiz qajet»,-delingen oblystyq polıtsııa departamenti baspasóz qyzmetiniń habarlamasynda.