25 jastaǵy qostanaılyq jol-kólik apatynan soń qashyp ketken
QOSTANAI. QazAqparat - Qostanaıda «Mersedes» júrgizýshisi jol-kólik oqıǵasynan soń qashyp ketken, dep habarlaıdy QazAqparat tilshisi oblystyq ІІD baspasóz qyzmetine silteme jasap.
«1 qańtar kúni saǵat 14:30 shamasynda Qostanaı-Zatobol tas jolynda «Mersedes» markaly avtomobıl «VAZ-2109» kóligimen soqtyǵysqan. Belgili bolǵandaı, 25 jastaǵy «Mersedes» júrgizýshisi kólikti basqara almaı, qarama-qarsy baǵytqa shyǵyp ketken», - dep habarlady oblystyq ІІD baspasóz qyzmeti.
«VAZ-2109» kóligin basqarǵan 60 jastaǵy er adam dene jaraqattarymen qalalyq aýrýhanaǵa tústi. «Mersedes» júrgizýshisi oqıǵa ornynan qashyp ketken. Alaıda, polıtseıler onyń mekenjaıyn anyqtap, jaýap aldy. Qazirgi ýaqytta ol ýaqytsha ustaý oqshaýlaǵyshyna qamaldy. QR QK 347-baby boıynsha sotqa deıingi tergeý sharalary júrgizilýde.
