25 jastaǵy qazaqstandyq aýyr atlet Albert Lınder qaıtys boldy
NUR-SULTAN. QazAqparat – Qazaqstandyq ziltemirshi Albert Lınder 26 jasqa qaraǵan shaǵynda qaıtys boldy, dep habarlaıdy QazAqparat Qazaqstan aýyr atletıka federatsııasynyń baspasóz qyzmetine silteme jasap.
«Búgin túnde daryndy sportshy – aýyr atlet Albert Lınder qaıtys boldy.
Jasóspirimder arasyndaǵy álem chempıony, ýnıversıada jeńimpazy jáne rekord jasaǵan, Qazaqstannyń birneshe dúrkin chempıony Albert tabandylyqtyń, tártiptiń jáne óz isine degen súıispenshiliktiń arqasynda bıik belesterdi baǵyndyryp, kópke úlgi boldy.
Qazaqstannyń Aýyr atletıka federatsııasy ujymy sportshynyń týǵan-týystaryna qaıǵyra kóńil aıtady» delingen habarlamada.
Sportshynyń neden kóz jumǵany aıtylmaǵan.
