25 jastaǵy Almaty turǵyny áleýmettik jelide jalǵan habarlamalar taratqan
Polıtsııa bul akkaýntta ornalastyrylǵan aqparat turǵyndardyń árqıly reaktsııasyn týdyrǵanyn, olardyń jalǵan aqparat taratyp, azamattardy adastyrǵanyn aıtady. Mysaly, «Jylyna bir ret – qazaqstandyqtardyń shetelge shyǵýyna shekteý qoıylady», «683 432 teńge qazaqstandyqtyń 2021 jylǵy ortasha aılyq jalaqysy – Ulttyq statıstıka bıýrosy», «QR Mádenıet jáne sport mınıstri Aqtoty Raıymqulova mefedrondy zańdastyrýdy usyndy…», «Zorlaý jáne jynystyq qysym kórsetý baptaryn qylmystyqtan ákimshilikke aýystyrady», «Májilis depýtattary depýtattardyń kiristeri men múlkin mindetti túrde deklaratsııalaý týraly zańdy keri qaıtaryp aldy», «Qazaqstandyqtardyń shetelge shyǵý úshin kóshi-qon polıtsııasynan shyǵý vızasyn alýlary kerek» jáne taǵy basqa taqyryptaǵy aqparat úlken rezonans týdyrdy. 5,5 myńnan astam jazylýshy jalǵan málimet alyp otyrǵan. Bul habarlamalardyń qısynsyzdyǵyna qaramastan, qoldanýshylar belsendi túrde repost jasap, jedel habarlamalar arqyly bir-birine jalǵan jańalyqtar jiberip, skrınshottar jasap, olardy basqa aqparattyq resýrstarǵa kóshirip otyrdy. Anyqtalmaǵan aqparatty jarııalaý faktisi boıynsha QR QK-niń 274-baby 2-bóligine sáıkes sotqa deıingi tergeý júrgiziledi. Tergeý-jedel is-sharalaryn júrgizý barysynda jalpyǵa ortaq paraqshany ashqan – 25 jastaǵy Almaty qalasynyń turǵyny anyqtaldy. Tergeý áreketterin júrgizý úshin ol polıtsııaǵa jetkizildi. Birqatar sot-medıtsınalyq saraptamalar taǵaıyndaldy. Tergeý amaldary jalǵasýda. Іshki ister organdary taǵy da azamattarǵa jalǵan aqparat taratýdyń jol berilmeıtindigin, memlekettik organdardyń tek resmı aqparattaryna senim artý qajettiligin, sondaı-aq, jalǵan habarlama taratqany úshin qylmystyq jaýapkershiliktiń bar ekendigin taǵy da eske salady.
