25 jasar brazılııalyq azamat azııalyqqa aınalý úshin 10 operatsııany bastan keshirgen
ALMATY. QazAqparat - Ońtústik Koreıanyń mádenıeti dese ishken asyn jerge qoıatyn jigit óziniń brazılııalyq teginen bas tartyp azııalyqqa aınaldy.
Bul úshin quny 3 myń dollar bolatyn 10 operatsııany bastan keshirgen, deıdi Mail Online.
Ońtústik Koreıadaǵy Dongseo ýnıversıtetinde bir jyl oqyǵan ol jergilikti eldiń mádenıeti men mýzykalyq janryn qulaı unatqan. Sheksiz mahabbat tipti ony óz ultyn ózgertýge deıin aparǵan.
Qazir Maks - kózi qysyq, qara shashty Sıan esimdi azııalyq azamat. Onyń ulttyq tamyryn tek murny ǵana aıqyndap tur.
«Men betimde tyrtyq qalyp, pyshaqqa túskenim bilinip qala ma dep qoryqtym. Biraq, meniń kelbetim keremet. Ár adamǵa ómir bir-aq ret beriledi. Sondyqtan, kim qalaı ómir súredi, ózi biledi», - dedi ol jergilikti basylymǵa bergen suhbatynda.
