25 tamyzda Qazaqstanda aýa raıy qandaı bolady
ASTANA. QazAqparat - Elimizdiń soltústigi, ortalyǵy men shyǵysyna tsıklon jáne sonymen baılanysty atmosferalyq bulttar áser etip, saldarynan jaýyn-shashyn bolady. Kún kúrkirep, kúshti jel soǵady, soltústikte burshaq jaýýy múmkin. Qazaqstannyń batysynda, ońtústigi men ońtústik-shyǵysynda kún ashyq bolady, dep habarlaıdy QazAqparat Qazgıdrometke silteme jasap.
Demalys kúnderi Astanada daýyl turady.
Soltústik Qazaqstan oblysynyń aýmaǵynda tuman túsip, jeldiń qarqyny 15-20 m/s deıin kúsheıedi. Kúndiz sekýndyna 25 metrge jetýi múmkin. Burshaq kútiledi.
Qyzylorda oblysynyń keı jerlerinde jel kúsheıip, 15-20 m/s quraıdy. Kúndiz sekýndyna 23 metr jyldamdyqpen shańdy daýyl turady.
Qaraǵandy oblysynyń keı aımaqtarynda jel kúsheıip, ekpini 15-20 m/s bolady. Burshaq jaýyp, tuman túsýi múmkin.
Jambyl oblysynda jyldamdyǵy 15-20 m/s bolatyn qatty jel soǵyp, shańdy daýyl turady.
Aqmola oblysynyń keı jerlerinde jel kúsheıip, ekpini 15-20 m/s bolady. Burshaq jaýýy yqtımal.
Qostanaı, Pavlodar, Shyǵys Qazaqstan jáne Aqtóbe oblystarynda qatty jel turady. Jeldiń qarqyny sekýndyna 15-20 metrge jetedi.
Almaty oblysynda kúndiz shańdy daýyl kútiledi.
Qyzylorda, Jambyl, Túrkistan, sondaı-aq Aqtóbe, Atyraý, Mańǵystaý jáne Qaraǵandy oblystarynda tótenshe órt qaýpi saqtalady.
