25 tamyz. Týǵan kún ıeleri
ESІMDER
Qazirgi Pavlodar oblysy Baıanaýyl aýdanynyń Jeltaý mańynda týǵan. Alǵashynda aýyl moldasynan oqyp, hat tanydy. Jas kezinen J. Shanın ulttyq oıyn-saýyqtar men án-kúılerge yntyq bolyp ósken. Ásirese, Qoıandy jármeńkesine baryp, halyq dýmanyn tamashalaý onyń oı-qııalyn qozǵap, ónerge degen ynta-yqylasyn arttyrady. Týǵan naǵashysy Altybaıdan án salyp, dombyra tartýdy úırendi. 1913 jyly Ombyǵa kelip, kúnkóris qamymen biraz ýaqyt zaýytta jumys isteıdi. Munda S. Seıfýllınmen, N. Nurmaqovpen jáne B. Serkebaevpen tanysady, ári óz betinshe oqyp bilimin jetildiredi. 1915-1916 jyldary esepshilik kýrsty oqyp bitirgennen keıin zaýytta esepshiniń kómekshisi bolyp qyzmet etedi. Osy jyldary alǵash ret qalalyq teatr spektaklderin kóredi. Biraq kóp uzamaı-aq J. Shanın maıdan jumysyna tartylady. Odan týǵan aýylyna 1917 jyly oraldy. Sol jyldan bastap Qarqaralynyń ýezdik kooperatıvinde esepshi qyzmetin atqardy. 1921-1922 jyldary Pavlodar ýezi komıtetiniń múshesi, 1922 jyly Zaısan ýezdik atqarý komıtetiniń tóraǵasy, 1923 jyldan Semeı gýbernııasy atqarý komıtetiniń jáne Qazaq KSR OAK múshesi bolyp, taǵy basqa da jaýapty oryndarda qyzmet atqarǵan. 20-jyldary Semeıde «Es-aımaq» trýppasyn basqardy. Rejısserlik óner jolyn osy trýppadan bastaǵan J. Shanın halyq jyry negizinde jazylǵan óziniń «Arqalyq batyry» men S. Seıfýlınniń «Qyzyl suńqarlaryn» qoıdy. Sonymen qatar ózi osy atalmysh spektaklderde Arqalyq batyrdyń jáne Erkebulannyń rólin oryndady. Bir bólimdi «Torsyqbaı» komedııasy 1925 jyly Semeıdiń «Tań» jýrnalynda jarııalandy. 1925 jyly ashylǵan Qazaq drama teatrynyń dırektory bolýmen qatar onyń kórkemdik jaǵyn basqarǵan. 1926-1932 jyldary qazaq drama teatrynda ulttyq dramatýrgııadan S. Seıfýllınniń «Qyzyl suńqarlaryn», S. Ablanovtyń «Kúndespeıtin qatyndar» men «1910 jylyn», J. Shanınniń «Bolatyn», І. Jansúgirovtiń «Kegi» men «Túrksibin», B. Maılınniń «Maıdanyn», M. Áýezovtiń «Oktıabr úshin» jáne klassıkalyq týyndylardan A. Pýshkınniń «Tas meımany» men «Sarań serisin», Ý. Shekspırdiń «Gamletin», sonymen birge ózi jazǵan «Torsyqbaı», «Arqalyq batyr» (eki keshke arnalǵan 2 bólimdi), «Aıdarbek», «Baıan batyr», «Ólimnen úmitke» («Shahta») taǵy basqa shyǵarmalardy qoıǵan. 1932-1933 jyldary Qyrǵyz drama teatrynyń bas rejısseri boldy. 1934 jyly ashylǵan mýzykalyq teatrdy (qazirgi Qazaqtyń opera jáne balet teatry) uıymdastyrýǵa qatysyp, Q. Jandarbekovpen birge E.G. Brýsılovskııdiń «Jalbyr», «Qyz Jibek» pen «Er Tarǵynyn» qoıdy. 1936 jylǵa deıin osy teatrdyń kórkemdik jaǵyn basqarǵan J. Shanın alǵashqy mýzykalyq teatr óneriniń qalyptasyp damýyna da mol úles qosty. 1930-1937 jyldary Oral mýzykalyq drama teatryn uıymdastyrýmen birge oǵan basshylyq jasaǵan. Ol birqatar pesalar («Jandy sýret», «Qara qulyn», «Qozy Kórpesh-Baıan sulý», «Úsh baja») jazyp, ulttyq dramatýrgııany damytýda jemisti eńbek etti. J. Shanın shyǵarmashylyǵyn M. Áýezov, Q. Sátbaev, Ǵ.Músirepov, taǵy basqalar joǵary baǵalaǵan. 1972 jyly Shymkent drama teatryna J.Shanınniń esimi berildi.
Quqyq qorǵaý organdarynda eńbek jolyn 1997 jyldan bastady. 2001 jyldan Aqmola oblysynyń kólik prokýrory, Pavlodar oblysy Lebıaji aýdanynyń prokýrory, Bas prokýratýra basqarmasynyń basshysy qyzmetterin atqardy. Qazaqstan Respýblıkasy Bas prokýratýrasynyń Qylmystyq is júrgizýdiń sotqa deıingi satysynyń zańdylyǵyn qadaǵalaý departamenti Bas prokýrorynyń aǵa kómekshisi; Qazaqstan Respýblıkasy Bas prokýratýrasy janyndaǵy Quqyq qorǵaý organdary akademııasynyń Qylmystyq saıasat jáne úkimderdi oryndaý máselelerin zertteý ortalyǵynyń bastyǵy boldy.
Qazirgi qyzmetinde 2019 jyldyń maýsymynan bastap.
Frýnze (qazirgi Bishkek) qalasynda týǵan. 1995 jyly Qyrǵyz memlekettik ulttyq ýnıversıtetin zańger mamandyǵy boıynsha bitirgen.
Eńbek joly: Almaty qalasy Máskeý aýdany ákimi apparatynyń memlekettik-quqyqtyq bóliminiń meńgerýshisi (1996-1997); Qazaqstan Respýblıkasy Prezıdenti Іs basqarmasynyń aǵa referent-zańgeri (1997-1998); QR Prezıdenti Ákimshiligi Memlekettik-quqyqtyq bóliminiń aǵa sarapshysy, keńesshisi, bas sarapshysy (1998-2001); QR Ádilet mınıstrligi Zııatkerlik menshik quqyǵy komıteti tóraǵasynyń orynbasary (2001-2002); QR Prezıdenti Ákimshiligi Memlekettik-quqyqtyq bóliminiń bas sarapshysy (2002-2003); QR Ádilet mınıstrligi Tirkeý qyzmeti komıteti tóraǵasynyń orynbasary (2003-2004); QR Parlamenti Májilisi apparaty basshysynyń orynbasary (2004-2007); QR Májilisindegi «Nur Otan» HDP fraktsııasy apparatynyń basshysy (2007-2008); Qazaq memlekettik ýnıversıtetiniń damý jáne quqyqtyq máseleler jónindegi prorektory (2008-2011); QR Bilim jáne ǵylym mınıstrligi Quqyqtyq qamtamasyz etý jáne memlekettik satyp alý departamentiniń dırektory (2010-2012); QR Bilim jáne ǵylym mınıstrligi Ǵylym komıtetiniń tóraǵasy (2012-2014); «Ulttyq ǵylymı-tehnıkalyq aqparat ortalyǵy» AQ Dırektorlar keńesiniń tóraǵasy (2014-2016); Qazaqstan Respýblıkasynyń Memlekettik qyzmet isteri vıtse-mınıstri (04.2016-09.2016).
Qazirgi qyzmetinde 2019 jyldyń naýryz aıynan bastap.
«Qazaqstan Respýblıkasynyń Parlamentine 10 jyl», «Astana 10 jyl» mereıtoılyq medaldarmen, «Bilim berý isiniń qurmetti qyzmetkeri» tósbelgisimen ıarapattalǵan. Qazaqstan Respýblıkasy Prezıdenti Ákimshiligi basshysynyń, Qazaqstan Respýblıkasy Parlamenti Májilisi tóraǵasynyń alǵys hattaryn alǵan.
Tselınograd (qazirgi Nur-Sultan) qalasynda týǵan. Qazaq memlekettik zań akademııasyn zańger, S. Seıfýllın atyndaǵy Qazaq memlekettik agrotehnıkalyq ýnıversıtetin ekonomıst-menedjer, Qazaqstan Respýblıkasy Prezıdenti janyndaǵy memlekettik basqarý akademııasyn memlekettik basqarý mamandyǵy boıynsha támamdaǵan.
Eńbek joly: 1996 jyldan bastap salyq ınspektory, bólim bastyǵy, Astana qalasy «Kontınent» mamandandyrylǵan quqyqtyq konsaltıng jáne kásipkerler bastamasy» JShS prezıdenti, «Astana qalasynyń damý baǵdarlamalaryn ákimshilendirý basqarmasy» MM bas mamany bolyp jumys istedi. 2001-2006 jyldary Astana qalasy ákiminiń apparatynda, Qazaqstan Respýblıkasy Kólik jáne kommýnıkatsııalar mınıstrliginde túrli basshylyq qyzmetter atqardy. 2006-2007 jyldary – Qazaqstan Respýblıkasy Prezıdenti Ákimshiliginiń memlekettik baqylaý jáne uıymdastyrý jumysy bóliminiń bas ınspektory. 2007-2009 jyldary – Petropavl qalasy ákiminiń birinshi orynbasary, Soltústik Qazaqstan oblysy ákimi apparatynyń basshysy. 2009-2010 jyldary – «MTM-agroservıs» JShS bas dırektory. 2010-2014 jyldary – «Qazaqstan ınjınırıng» UK» AQ basqarýshy dırektory, vıtse-prezıdenti, «Qazaqstan ınjınırıng» UK» AQ basqarma tóraǵasynyń orynbasary. 2015-2016 jyldary – Astana qalasynyń Tabıǵı resýrstar jáne tabıǵatty paıdalanýdy retteý basqarmasynyń basshysy. 2016-2020 jyldary – Nur-Sultan qalasy «Almaty» aýdanynyń ákimi. 2020-2021 jyldary – «Qazaqstan ınjınırıng» (Kazakhstan Engineering) Ulttyq kompanııasy» AQ basqarma tóraǵasy.
2021 jyldyń naýryzynan bastap qazirgi qyzmetinde.
Tselınograd qalasynda (qazirgi Nur-Sultan qalasy) týǵan. 2000 jyly Shákárim atyndaǵy Semeı memlekettik ýnıversıtetin ekonomıst mamandyǵy boıynsha, Qaztutynýodaǵynyń Qaraǵandy ekonomıkalyq ýnıversıtetiniń magıstratýrasyn bitirgen.
Eńbek jolyn 2000 jyly Aqmola oblysy Kókshetaý qalasynyń Salyq polıtsııasy organdarynyń qyzmetkeri bolyp bastaǵan. Astana qalasy boıynsha Salyq komıtetiniń Aqparattyq júıelerdi engizý jáne súıemeldeý bóliminiń mamany, Qaraǵandy oblysy boıynsha Salyq departamenti bastyǵynyń orynbasary qyzmetterin atqardy. Astana qalasy boıynsha Memlekettik kirister departamenti Saryarqa aýdany boıynsha Memlekettik kirister basqarmasynyń basshysy; Qazaqstan Respýblıkasy Prezıdenti Ákimshiligi Basshysy hatshylyǵy meńgerýshisiniń orynbasary; Qazaqstan Respýblıkasy Prezıdenti Ákimshiliginiń memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory boldy. 2016-2019 jyldary – Nur-Sultan qalasy ákimi apparatynyń basshysy.
Qazirgi qyzmetinde 2019 jyldyń shilde aıynan bastap.
Ol RF Syrtqy ister mınıstrliginiń Máskeý memlekettik halyqaralyq qatynastar ınstıtýtyn (2002); Qazaq qarjy-ekonomıkalyq akademııasyn (2011) bitirgen.
Eńbek joly: «Qazaqstan kabel kompanııasy» JShS Reseı Federatsııasyndaǵy ókildiginiń menedjeri (1998-2003); dıplomatııalyq qyzmette (2003-2006); Mańǵystaý oblysy ákimi apparaty basshysynyń orynbasary (2006-2008); «Nur Otan» HDP ortalyq apparaty hatshylyǵynyń meńgerýshisi (2006-2008); «Samuryq-Qazyna Kelisimshart» JShS basqarýshy dırektory (2010-2012); Qazaqstan Respýblıkasy Velosıped sporty federatsııasynyń atqarýshy dırektory, vıtse-prezıdenti (2010-2013); Qazaqstan Respýblıkasy Sport jáne deneshynyqtyrý isteri jónindegi agenttigi tóraǵasynyń orynbasary (2013-2014); Qazaqstan Fýtbol federatsııasynyń birinshi vıtse-prezıdenti (2014-2015); «Astana EKSPO-2017» UK» AQ atqarýshy dırektory (2015-2017); «EKSPO-2020 Dýbaı» búkilálemdik kórmesinde Qazaqstan sektsııasynyń bas komıssary (2017-2018). «ASTANA EKSPO-2017» Ulttyq kompanııasy» AQ basqarma tóraǵasynyń orynbasary (2018-2020). «QazExpoCongress» Ulttyq kompanııasy» AQ basqarma tóraǵasynyń birinshi orynbasary (01.2020-07.2020).
Qazirgi laýazymyn atqarýǵa 2020 jyldyń shildesinde kiristi.
Ál-Farabı atyndaǵy Qazaq ulttyq ýnıversıtetiniń bakalavrıatyn 2004 jyly tarıh mamandyǵy boıynsha, magıstratýrasyn 2008 jyly fılosofııa jáne saıasattaný mamandyǵy boıynsha, osy mamandyq boıynsha 2011 jyly doktorantýrasyn támamdaǵan.
Eńbek joly: 2000-2004 jj. – Əl-Farabı atyndaǵy Qazaq Ulttyq Ýnıversıteti stýdenttik ózin-ózi basqarý uıymynyń tóraıymy. 2004-2006 jj. – Almaty ekonomıka jəne statıstıka akademııasy Aqtóbe ınstıtýtynyń áleýmettik-gýmanıtarlyq pənder kafedrasynyń oqytýshysy, jastar isi jónindegi komıtettiń tóraıymy. 2006-2007 jj. – «Otan» RHP Aqtóbe oblysy fılıalynyń jastar isi jónindegi keńesshisi, «Nur Otan» HDP «Jas Otan» Jastar qanaty Respýblıkalyq Keńesi Tóraǵasynyń orynbasary. 2007-2008 jj. – Almaty qalasyndaǵy Y. Altynsarın atyndaǵy №159 kópsalaly gımnazııanyń tarıh jəne quqyq pənderiniń muǵalimi. 2010-2011 jj. – Qazaq ulttyq agrarlyq ýnıversıtetiniń oqý-tərbıe jumysy jónindegi prorektorynyń orynbasary, Jastar əkimshiliginiń tóraıymy. 2011 j. – Halyqaralyq bıznes akademııasynyń stýdenttermen jumys jónindegi dekany. 2011-2012 jj. – Qazaq memlekettik qyzdar pedagogıkalyq ýnıversıtetiniń ǵalym hatshysy. 2012-2014 jj. – «Nazarbaev Zııatkerlik mektepteri» DBBU-nyń bilim berý saıasaty jəne baǵdarlamalar Departamentiniń aǵa menedjeri. 2014-2017 jj. – «Nazarbaev Zııatkerlik mektepteri» DBBU-nyń Bilim berý saıasaty jáne baǵdarlamalar departamenti dırektorynyń orynbasary. 2017-2019 jj. – «Nazarbaev Zııatkerlik mektepteri» DBBU-nyń Nazarbaev Zııatkerlik mektepterin damytý departamentiniń dırektory. 2019-2021 jj. – «Nazarbaev Zııatkerlik mektepteri» DBBU-nyń Almaty qalasyndaǵy fızıka-matematıka baǵytyndaǵy Nazarbaev Zııatkerlik mektebi fılıalynyń dırektory.
2021 jylǵy 14 qańtardan bastap Qazaqstan Respýblıkasy Parlamenti Májilisiniń VII shaqyrylym depýtaty, «Nur-Otan» partııasynyń tizimi negizinde saılanǵan, Áleýmettik-mádenı damý komıtetiniń múshesi, Qazaqstan Respýblıkasy Parlamenti Májilisindegi «Nur-Otan» partııasy fraktsııasynyń múshesi.