25 tamyz kúni elordada ótetin mańyzdy sharalar
NUR-SULTAN. QazAqparat – «QazAqparat» halyqaralyq aqparat agenttigi elordada 25 tamyz kúni ótetin mańyzdy sharalar sholýyn usynady.
09.00-de Úkimet úıinde Úkimet otyrysy ótedi. Kún tártibinde QR 2021–2025 jyldarǵa arnalǵan áleýmettik-ekonomıkalyq damý boljamy, «QR Ulttyq qorynan 2021–2023 jyldarǵa arnalǵan kepildendirilgen transfert týraly», «2021–2023 jyldarǵa arnalǵan respýblıkalyq bıýdjet týraly» QR zańdarynyń jobalary men «QR qorynan 2021 jylǵa arnalǵan nysanaly transfert bólý týraly» QR Prezıdenti Jarlyǵynyń jobasy jáne egin jınaý jumysy qaralady.
Úkimet otyrysy PrimeMinister.kz saıtynda jáne áleýmettik jelilerdegi resmı akkaýnttarda onlaın rejımde kórsetiledi.
10.00-de №76 mektep-lıtseıde kezekshi synyptarǵa qoıylatyn talaptar men sanıtarlyq qaǵıdalar týraly arnaıy baspasóz týry uıymdastyrylady.
15.00-de BUU Damý baǵdarlamasynyń (BUUDB) qoldaýymen Nur-Sultandaǵy qalalyq ftızıopýlmonologııalyq ortalyqta ınfektsııalanǵan medıtsınalyq qaldyqtardy qaýipsiz jınaý jáne zalalsyzdandyrý boıynsha pılottyq ortalyq ashylady.
BUUDB ókilderi ınfektsııalanǵan qaldyqtardy ekologııalyq zalalsyzdandyrýǵa arnalǵan quraldy – avtoklav pen medıtsınalyq qaldyqtardy qaýipsiz jınaýǵa arnalǵan konteınerlerdi COVID-19 naýqastaryna qyzmet kórsetýge arnalǵan emdeý mekemesine resmı túrde tabystaıdy.
