25 shildede tamyz aıyndaǵy UBT-ǵa qatysýǵa ótinishter qabyldaý bastalady

ASTANA. KAZINFORM –  Ótinimderdi qabyldaý 5 tamyzǵa deıin jalǵasady. UBT-ǵa tirkelý Ulttyq testileý ortalyǵynyń saıtynda app.testcenter.kz júrgiziledi.  Testileýdiń ózi 10-13 tamyz aralyǵynda ótedi. Bul týraly Ulttyq testileý ortalyǵy málim etti.

Ǵylym jáne joǵary bilim mınıstrliginiń málimetinshe, tamyzdaǵy UBT shekti ball jınaı almaǵan talapkerlerdiń testileýden qaıta ótip, JOO-ǵa aqyly negizde túsý múmkindigi bolýy úshin ótkiziledi. Ótinish berý kezinde test tapsyrýshylar UBT ótkiziletin oryndy, kúndi jáne ýaqytty ózderi tańdaıdy.

Negizgi UBT-ǵa qatysqan talapkerler beıindik pánder kombınatsııasyn tamyz testileýinde ózgerte alady.

Tamyz aıyndaǵy UBT-ǵa aǵymdaǵy jáne ótken jylǵy mektep jáne kolledj túlekteri, qandastar (QR azamaty bolyp tabylmaıtyn ulty qazaq azamattar), shetelde bilim alǵan orta bilim berý uıymdarynyń bitirýshileri, shyǵarmashylyq mamandyqtardan basqa mamandyqtarǵa, basqa mamandyqtardan pedagogıkalyq baǵyttarǵa aýysqysy keletin stýdentter jáne joǵary oqý oryndaryna shartty túrde qabyldanǵan stýdentter qatysa alady.

Atap ótsek, JOO-da aqyly negizde óz mamandyǵy boıynsha oqýdy jalǵastyrýdy josparlap otyrǵan kolledj túlekteri oqýǵa áńgimelesý qorytyndysy boıynsha qabyldanady. Bul rette oqýǵa qabyldaýdy JOO-lardyń qabyldaý komıssııalary júzege asyrady.

Testileýge qatysý quny – 4 230 teńge.

Negizgi UBT-ǵa qatysqan test tapsyrýshylar tamyz aıyndaǵy UBT-da basqa beıindik pánder kombınatsııasyn tańdaı alady.

Aıta keteıik, 22 shilde kúni magıstratýraǵa túsýge arnalǵan keshendi testileý bastaldy, ol 10 tamyzǵa deıin jalǵasady.