25 shilde. Kazinform kúntizbesi. Tulǵalar týǵan kún

ESІMDER

75 jyl buryn (1951) Qazaqstan Respýblıkasy Syrtqy ister mınıstrligi janyndaǵy «Syrtqy saıası zertteýler ınstıtýty» AQ Basqarma tóraǵasy Bolat Qabdylhamıtuly NURǴALIEV dúnıege keldi.

Aqmola oblysynda týǵan. 1972 jyly S.Seıfýllın atyndaǵy Tselınograd pedagogıkalyq ınstıtýtyn, 1975 jyly KSRO Memlekettik qaýipsizdik komıtetiniń ıÝ.V. Andropov atyndaǵy ınstıtýtyn bitirgen.

1980 jyly Sovet Odaǵynyń Syrtqy ister mınıstrligine jumysqa ornalasty. Sovet Odaǵynyń Ońtústik Azııadaǵy elshilikterinde – Pákistan Islam Respýblıkasy (1981-1985 jyldary) jáne Úndistan Respýblıkasynda (1990-1992 jyldary) eki sheteldik issapardan keıin 1992 jyly táýelsizdik alǵan Qazaqstan Respýblıkasyna oralyp, Syrtqy ister mınıstrligine jumysqa kirdi. Onda halyqaralyq qaýipsizdik jáne qarý-jaraqty baqylaý basqarmasynyń bastyǵy, sondaı-aq keıinnen Syrtqy ister mınıstriniń orynbasary qyzmetterin atqardy.

Qazaqstan Respýblıkasynyń Amerıka Qurama Shtattaryndaǵy (1996-2000 jyldary), Koreıa Respýblıkasyndaǵy (2001-2003 jyldary), Japonııadaǵy (2004-2006 jyldary) jáne Izraıl Memleketindegi (2012-2014 jyldary) Elshisi boldy. 2007-2009 jyldary Qytaı Halyq Respýblıkasynyń Pekın qalasynda ornalasqan Shanhaı Yntymaqtastyq Uıymynyń Bas hatshysy edi. Qazaqstannyń 2010 jyly Eýropadaǵy qaýipsizdik jáne yntymaqtastyq uıymyna tóraǵalyq etý kezeńinde bul uıymnyń áreket etýshi tóraǵasynyń uzaqqa sozylǵan qaqtyǵystar jónindegi arnaıy ókili qyzmetin atqaryp júrdi. 2014 jyly elimizdiń dıplomatııalyq qyzmetindegi jumysyn aıaqtaǵannan keıin «Qazaqstan temir joly» Ulttyq kompanııasy prezıdentiniń keńesshisi retinde jumys istedi. 2019 jylǵy jeltoqsannan bastap, QR Syrtqy ister mınıstrligi janyndaǵy «Syrtqy saıası zertteýler ınstıtýty» AQ Basqarma tóraǵasynyń orynbasary bolyp, 2021 jylǵy sáýirde osy mekemeniń Basqarma tóraǵasynyń laýazymyna taǵaıyndaldy.

«Qurmet» ordeni (2010 jyl), «Dostyq» ordeni (2020 jyl) jáne medaldarmen marapattalǵan. 1996 jyly Qazaqstan Respýblıkasynyń Tótenshe jáne ókiletti elshisi dıplomatııalyq dárejesin alǵan.

64 jyl buryn (1962) «Nursultan Nazarbaev halyqaralyq áýejaıy» AQ Basqarma tóraǵasy Beken Kaneluly SEIDAHMETOV dúnıege keldi.

Rıga azamattyq avıatsııa ınjenerleri ınstıtýtyn, Almaty menedjment mektebin bitirgen.

Eńbek ótili: 1984 jyly «Pravda» gazetinde maman, 1990-1994 jyldary «Qazaqkýmýlıator» óndiristik-dıspetcherlik bóliminiń ınjener-dıspetcheri, ekonomısi, qarjygeri, 1994-1998 jyldary Almaty áýejaıy qarjy tobynyń býhgalteri, «Qazaqstan áýe joly» UAK qarjy jumysy boıynsha bastyǵynyń orynbasary, Almaty áýejaıynyń bas býhgalteri, 1998-2011 jyldary memlekettik organdarda túrli basshylyq laýazymdarda qyzmet atqarǵan. 2011-2014 jyldary QR Kólik jáne kommýnıkatsııa mınıstrligi Azamattyq avıatsııa komıtetiniń tóraǵasy, 2014-2017 jyldary QR Investıtsııa jáne damý mınıstrliginiń Azamattyq avıatsııa komıtetiniń tóraǵasy, 2017-2019 jyldary Qazaqstan Respýblıkasyndaǵy TRASEKA úkimetaralyq komıssııasynyń turaqty ókildiginiń basshysy laýazymyn atqardy. 2019-2025 jyldary Azamattyq avıatsııa akademııasynyń rektory qyzmetinde boldy.

Qazirgi qyzmetin 2025 jylǵy jeltoqsannan beri atqaryp keledi.

54 jyl buryn (1972) Qazaqstan Respýblıkasy Ádilet mınıstrligi Tirkeý qyzmeti jáne zań qyzmetin uıymdastyrý departamentiniń dırektory Venera Qamysbaıqyzy KALIMOVA dúnıege keldi.

Qazaqstan memlekettik zań akademııasyn bitirgen.

Eńbek joly: 1995-2001 jyldary Aqtóbe oblysy Ádilet basqarmasynyń jetekshi, bas mamany, 2001-2015 jyldary QR Ádilet mınıstirliginiń Tirkeý qyzmeti jáne quqyqtyq kómek kórsetý komıtetiniń bas mamany, bólim bastyǵy, Tóraǵa orynbasary, 2015-2019 jyldary QR Ádilet mınıstirliginiń Tirkeý qyzmeti jáne zań qyzmetin uıymdastyrý departament dırektorynyń orynbasary, dırektory, 2017-2023 jyldary «Azamattarǵa arnalǵan úkimet» memlekettik korporatsııasy» kommertsııalyq emes uıymy basqarmasy apparatynyń Jyljymaıtyn múlik departamentiniń dırektory, Astana qalasy boıynsha fılıalynyń dırektory, Tirkeý qyzmeti departamentiniń dırektory, 2023-2024 jyldary Ádilet mınıstirliginiń Tirkeý qyzmeti jáne zań qyzmetin uıymdastyrý departamentiniń dırektory laýazymyn atqarǵan.

Qazirgi qyzmetin 2024 jylǵy qazan aıynan beri atqaryp keledi.

«Qurmet» ordenimen marapattalǵan.

45 jyl buryn (1981) Oral qalasy ákimi apparatynyń basshysy Erjan Rysjanuly TURMAǴAMBETOV dúnıege keldi.

Batys Qazaqstan oblysynda týǵan. Qazaq-orys halyqaralyq ýnıversıtetin «quqyqtaný» mamandyǵy boıynsha, sondaı-aq Batys Qazaqstan ınjenerlik-gýmanıtarlyq ýnıversıtetin «standarttaý, metrologııa jáne sertıfıkattaý» mamandyǵy boıynsha támamdaǵan.

Eńbek jolyn Shyńǵyrlaý aýdany ákimi apparatynyń quqyq máselesi jónindegi bas mamany bolyp bastaǵan.

Ár jyldary Shyńǵyrlaý aýdany ákimi apparatynyń bólimderiniń meńgerýshisi. Batys Qazaqstan oblysy ákimi apparatynyń memlekettik-quqyqtyq jumystar bóliminiń bas mamany, Shyńǵyrlaý aýdany ákimi apparatynyń basshysy, Shyńǵyrlaý aýdany ákiminiń orynbasary, Shyńǵyrlaý aýdanynyń ákimi, Tasqala aýdany ákimi apparatynyń basshysy., Batys Qazaqstan oblysy Zań konsýltanttary palatasynyń múshesi qyzmetterin atqardy.
Batys Qazaqstan oblysy ákimi apparatynyń jalpy bóliminiń basshysy qyzmetinde boldy.

Qazirgi laýazymyn 2025 jyldyń qyrkúıeginen beri atqaryp keledi.

33 jyl buryn (1993) qazaqstandyq aýyr atlet, úsh dúrkin álem chempıony, Tokıo-2020 jazǵy Olımpıadasynyń qola júldegeri Zýlfııa Salaharqyzy ChINShANLO dúnıege keldi.

Qytaıdyń Dao okrýginde dúnıege kelgen.

Jastar tobynda ol 2009 jyly Chıangmaıda (Taıland) ótken jastar arasyndaǵy álem chempıonatynyń qola júldegeri jáne 2010 jyly Sıngapýrde ótken jasóspirimder arasyndaǵy birinshi Olımpıada oıyndarynyń kúmis júldegeri (sanaty 58 kelige deıin) atandy. Eresekter tobynda 53 kelige deıingi salmaq dárejesinde óner kórsetedi. Ol 2009, 2011 jáne 2014 jyldardaǵy álem chempıony, 2010 jáne 2014 jylǵy Azııa oıyndarynyń kúmis júldegeri, 2009, 2010, 2011 jáne 2012 jyldardaǵy Qazaqstan chempıony.

Ol Almaty oblysyn jaqtaıdy. 2012 jyldyń shildesinde Zúlfııa London Olımpıadasynda altyn medal jeńip aldy, biraq 2016 jyly dopıng qoldanǵany úshin júldeden aıyrylǵan. Chınshanlo serpe kóterýde turaqty túrde birneshe álemdik rekordtar ornatty – 130 kg (Álem chempıonaty, Parıj, 2011 j.); 131 kg (OI, London, 2012), 132 kg (Álem chempıonaty, Inchhon, 2014), 133 kg jáne 134 kg (Álem chempıonaty, Alma-Ata, 2014 j.). Qazirgi rekord 134 keli. 2016 jyly maýsymda Halyqaralyq aýyr atletıka federatsııasynyń sheshimimen 2012 jyly Londonda ótken Olımpıada oıyndarynda sportshydan alynǵan dopıng synamasynyń qolaısyz nátıjesine baılanysty ol sportpen shuǵyldanýdan ýaqytsha shettetildi. Sportshynyń synamasynan anabolıkalyq steroıdty preparattar Stanozolol jáne Oxandrolone tabyldy.

2021 jyly shildede Tokıoda ótken 2020 jylǵy Jazǵy Olımpıada oıyndarynda 55 kelige deıingi salmaq dárejesinde Zúlfııa Chınshanlo qossaıys boıynsha 213 (90+123) keli kóterip, úshinshi oryn aldy.