25 shildeden bastap Memleket basshysynyń www.akorda.kz resmı saıtynyń jańarǵan nusqasy ashylady

Bul týraly Prezıdenttiń baspasóz qyzmetinen habarlady.

Endi portalda Qazaqstan Respýblıkasy Prezıdentiniń resmı saıtymen qatar, jańa resýrs - Nursultan Nazarbaevtyń derbes paraqshasy da bolmaq.

Jańarǵan portal qarapaıym da yńǵaıly ınterfeıske ıe. Saıtta qazirgi mýltımedıalyq tehnologııalar qoldanylǵan. Mysaly, Qazaqstan, Astana, Aqorda rezıdentsııasy boıynsha beınetýrlar, Elbasy qatysýymen ótken ózekti sharalardyń beınereportajdary berilgen.

Derbes paraqshada Qazaqstannyń Tuńǵysh Prezıdentiniń tulǵasyna qatysty erekshe fotosýretter, aýdıo jáne beınematerıaldar, maqalalar men kitaptar jıyntyǵy ornalastyrylǵan. Bul paraqshadan Elbasynyń beınesuhbattaryn jáne onyń qyzmeti týraly derekti fılmderdi de kórýge bolady.

Nashar kóretin adamdar úshin resmı saıttyń arnaıy nusqasy jasalǵan. Sondaı-aq, resýrsty kez kelgen qalta telefony men Android jáne iOS sııaqty tanymal operatsııalyq júıeler negizinde jumys isteıtin planshet arqyly da paıdalanýǵa bolady.

Portalda Qazaqstan Prezıdenti Baspasóz qyzmetiniń tvıtter-kanalynyń (twitter.com/AkordaPress) arnaıy qyzmeti de iske asyrylmaq. Ol Memleket basshysynyń mańyzdy is-áreketteri men sheshimderi jaıly shuǵyl habarlap otyrýǵa múmkindik beredi.