25 shilde: Týǵan kún ıeleri
25 shilde, SÁRSENBІ
ESІMDER
93 jyl buryn (1925-1993) qazaqtyń sýretshisi, professor, Qazaqstannyń eńbek sińirgen óner qaıratkeri KENBAEV Moldahmet Syzdyquly dúnıege keldi.
Qyzylorda qalasynda týǵan. V.Gogol atyndaǵy Almaty kórkemsýret ýchılışesin, V.Sýrıkov atyndaǵy Máskeý memlekettik kórkemsýret ınstıtýtyn bitirgen.
V.I.Lenın atyndaǵy Qazaq memlekettik polıtehnıkalyq ınstıtýtynyń (Q.Sátbaev atyndaǵy Qazaq ulttyq tehnıkalyq ýnıversıtet) sáýlet-qurylys fakýltetiniń, Almaty sáýlet-qurylys ınstıtýtynyń professory qyzmetterin atqarǵan.
«Asaýdy ustaý», «Áńgime», «Qoıshynyń áni» kartınalarynyń avtory. Shyǵarmalary Máskeýdegi memlekettik Tretıakov galereıasynyń qorynda jáne Á.Qasteev atyndaǵy Memlekettik óner murajaıynda saqtalǵan.
«Qurmet belgisi» ordenimen marapattalǵan.
88 jyl buryn (1930-2002) ǵalym, ádebıet zertteýshisi, fılologııa ǵylymdarynyń doktory, professor, Qazaqstan Respýblıkasy Ulttyq akademııasynyń akademıgi, Qazaq KSR Halyq aǵartý isiniń ozaty, Qazaqstan Ǵylym akademııasy Shoqan Ýálıhanov atyndaǵy syılyǵynyń laýreaty SÁTBAEVA Shámshııabaný Qanyshqyzy dúnıege keldi.
Qazirgi Pavlodar oblysy Baıanaýyl aýdany Qanysh Sátbaev atyndaǵy aýylda týǵan. Qazaq pedagogıkalyq ınstıtýtyn (Abaı atyndaǵy Qazaq ulttyq pedagogıkalyq ýnıversıteti), M.Lomonosov atyndaǵy Máskeý memlekettik ýnıversıtetiniń aspırantýrasyn bitirgen.
1954-1965 jyldary - Abaı atyndaǵy Qazaq pedagogıkalyq ınstıtýtynyń aǵa oqytýshysy, dotsenti. 1965-2002 jyldary Qazaqstan Respýblıkasy ǵylym akademııasynyń Ádebıet jáne óner ınstıtýtynyń aǵa ǵylymı qyzmetkeri qyzmetterin atqarǵan.
Negizgi ǵylymı eńbekteri ádebıettiń kórkemdik damý tarıhyna, zańdylyqtaryna, ádebıetter baılanystaryn zertteýge arnalǵan. «Orta Azııa jáne Qazaqstan ádebıetiniń tarıhy» basylymyndaǵy qazaq ádebıeti bólimin ázirleýge qatysqan. «XIX jáne XX ǵasyrdyń birinshi jartysyndaǵy qazaq-eýropa ádebı baılanystary», «Ádebı baılanystar», «Qazaq ádebıeti men Shyǵys» taǵy basqa monografııalarynyń, 9-10 orys synyptary úshin «Qazaq ádebıeti» jáne Qazaqstannyń joǵary oqý oryndarynyń fılologııa fakýlteti orys bólimderine arnalǵan «Qazaq ádebıeti» oqýlyqtarynyń avtory. «Órnekti óris», «Lev Tolstoı Qazaqstanda», «Ádebıet mereıi», «Dostyq dastandary», «Shoqan Ýálıhanov», «Sáýleli áýlet», «Ýaqyt shýaǵy», «Kazahskaıa lıteratýra ı Vostok», «Shakarım Kýdaıberdıev», «Sh.Ýalıhanov ı rýsskaıa lıteratýra, «Svet ochaga», «Ábikeı Sátbaev», « Ár jyldardan», «Urpaq syry» atty kitaptary jaryq kórgen.
62 jyl buryn (1956) «Krýız» týr agenttigi» JShS dırektory, Qazaqstan geografııalyq qoǵamynyń prezıdenti, Qazaqstan baıkerler qaýymdastyǵynyń prezıdenti PETRÝHIN Dmıtrıı Ivanovıch dúnıege keldi.
Bilimi; Joǵary - Qazaq sport jáne týrızm akademııasy. Mamandyǵy - týrızm menedjeri. Orta bilimi - Qaraǵandy taý tehnıkýmynyń mamany. Taý elektromehanıgi.
Eńbek ótilimi: 1981-1991 aralyǵynda Qaraǵandy oblysy, Saran qalasynyń Sokýrskaıa shahtasynda tazartpa kenjar jumysshysy jáne Qaraǵandy kómir basseıniniń ken ornynda jumysshy bolǵan.
1991 jyly «Krýız» týr-agenttigin qurady. 2001 jyldan beri Qazaqstan baıkerler qaýymdastyǵynyń prezıdenti.
Olımpıada/Azıada alaýyn alyp júrý estafetalyq rásimine 2008 (Olımpıada. Qytaı) jáne 2011 jyly (Azıada. Qazaqstan) qatysqan - ekeýinde de olımpıada alaýyn óz mototsıklimen alyp júrdi.
«Terravıta» jobasynyń jetekshisi
56 jyl buryn (1962) Qazaqstan Respýblıkasyndaǵy TRASEKA úkimetaralyq komıssııasynyń turaqty ókildiginiń basshysy SEIDAHMETOV Beken Kaneluly dúnıege keldi.
Rıga azamattyq avıatsııa ınjenerleri ınstıtýtyn, Almaty menedjment mektebin bitirgen.
Eńbek ótili: «Pravda» gazetinde maman (1984); «Qazakkýmýlıator» óndiristik-dıspetcherlik bóliminiń ınjener-dıspetcheri, ekonomısi, qarjygeri (1990-1994); Almaty, áýejaıy qarjy tobynyń býhgalteri «Qazaqstan áýe joly» UAK qardy jumysy boıynsha bastyǵynyń orynbasary, Almaty áýejaıynyń bas býhgalteri, 1998-2011 jyldar arasynda memlekettik organdarda túrli basshylyq laýazymdarda qyzmet atqarǵan, QR Kólik jáne kommýnıkatsııa mınıstrligi Azamattyq avıatsııa komıtetiniń tóraǵasy (2011-2014); QR Investıtsııa jáne damý mınıstrliginiń Azamattyq avıatsııa komıtetiniń tóraǵasy (2014-2017).
53 jyl buryn (1965) Mańǵystaý oblysy Mańǵystaý aýdanynyń ákimi AITÝAROV Jarmaǵanbet Qaıyrmaǵanbetuly dúnıege keldi.
Mańǵyshlaq oblysy Mańǵystaý aýdanynyń Úshtaǵan aýylynda dúnıege keldi.
Atalǵan qyzmetinde 2012 jyldyń naýryzynan bastap.
«Qazaqstan Respýblıkasynyń Táýelsizdigine 10 jyl», «Mańǵystaý oblysyna 35 jyl» medaldarymen, Mańǵystaý oblysy ákiminiń Qurmet gramotasymen marapattalǵan.
50 jyl buryn (1968) SQO ákiminiń Qurylys, kólik jáne avtomobıl joldary máseleleri boıynsha orynbasary FEDıAEV Anton Vladımırovıch dúnıege keldi.
Petropavl qalasynda týǵan. Máskeý energetıkalyq ınstıtýtyn birtirgen, ınjener-teplofızık.
Eńbek jolyn 1993 jyly JES-2 týrbınalyq jabdyqtardyń qaraýshy mashınısi bolyp bastaǵan. 1993-2008 jyldar aralyǵynda Petropavl qalasyndaǵy JES-2 týrbınalardyń aǵa mashınısi, aýysym bastyǵy, «Aksess-Energo PTETs-2» JShS-niń óndiristik-tehnıkalyq bóliminde bas ınjenerdiń paıdalanýǵa berý jónindegi orynbasary, bólim bastyǵy, «SevKazEnergo Petropavl» JShS ınjeneriniń paıdalanýǵa berý jónindegi orynbasary qyzmetterin atqarǵan. 2008 jyldan bastap Soltústik Qazaqstan oblysyndaǵy energetıka jáne turǵyn úı-kommýnaldyq sharýashylyq basqarmasynyń bastyǵy bolyp qyzmet atqardy.
25 jyl buryn (1993) belgili sportshy, aýyr atlet ChINShANLO Zýlfııa Salaharqyzy dúnıege keldi.
Almaty qalasynda týǵan. 2008 jyldan beri Aýyr atletıkadan QR ulttyq quramasynyń múshesi. aýyr atletıkadan 53 keli salmaq dárejesindegi eń jas álem chempıony. XVI Azııa oıyndarynyń kúmis júldegeri (2010). 2009 jyly álem chemıony boldy (Taıland). 2010 jyly Sıngapýrde jastar arasyndaǵy tuńǵysh Olımpıada oıyndarynda kúmis júldeger boldy. 2012 jyly Zúlfııa Londondaǵy Olımpıada oıyndarynda altyn medal jeńip alyp, chempıon atandy. Keıin dopıng daýyna baılanysty VADA Chınshanlonyń medalin qaıtaryp aldy.