25 shilde kúni Qazaqstanda ótetin mańyzdy sharalarǵa sholý

11.00-de QR Ulttyq akademııalyq kitaphanasynda aqyn, dramatýrg, jazýshy Baıanǵalı Álimjannyń «Álem áýenderi», «Qyrǵyzym birge týǵanym» jáne «Dobrojelatelnyı Askar» atty jańa kitaptarynyń tusaýkeseri ótedi.

15.00-de QazMedıaHoll teleradıokesheninde «Oqý-ádistemelik quraldardyń qazirgi ahýaly jáne til úıretýdegi jańa tendentsııalar» respýblıkalyq onlaın semınary ótedi.

ALMATY

10.00-de Turan ýnıversıtetiniń zalynda Almaty qalasynyń Qoǵamdyq keńesi «Eldegi quqyqtyq tártipti qamtamasyz etý jáne Qazaqstan Respýblıkasy Іshki ister mınıstrliginiń fýnktsııalaryn reformalaý jónindegi sharalar, quqyq qorǵaý organdarynyń qyzmetine halyqtyń senimin arttyrý jáne qylmystardy tómendetý máseleleri» taqyrybynda qoǵamdyq tyńdaý ótkizedi.

11.00-de «Interfaks-Qazaqstan» agenttiginiń baspasóz ortalyǵynda qazaqstandyq temirjol komponenti materıaldarmen qamtamasyz etýge tartylǵan ulttyq óndiristik klasterdiń joıylýyn talqylaýǵa arnalǵan baspasóz máslıhaty ótedi.

11.30-da Almaty qalasynyń óńirlik kommýnıkatsııalar qyzmetinde «Almaty qalasynyń qarjy naryǵynyń jaǵdaıy, 2017 jylǵa arnalǵan esep. 2018 jylǵa arnalǵan josparlar» taqyrybynda baspasóz máslıhaty ótedi.

JAMBYL OBLYSY

10.00-de Jambyl oblysyndaǵy Astananyń mádenı kúnderi aıasynda Jambyl oblystyq tarıhı-ólketaný mýzeıiniń kórme zalynda «Aq tilekpen Astana!» kórmesi ashylady.

19.00-de «Balasaǵun» kontsert zalynyń sahnasynda «Astanadan aq tilek» atty gala-kontsert ótedi. Kesh baǵdarlamasynda estradalyq bı, «Shalqyma» halyq bıi ansamblderi, «Qorqyt» dástúrli mýzyka toby, klassıkalyq, estradalyq jáne halyq vokalynyń solısteri óner kórsetedi. Sonymen qatar, sahna tórinde otandyq estrada juldyzdary óner kórsetedi. Klara Tólenbaeva, Kúláıym Qaıyrbaeva, Dos, Asqar Jaılaýbaev, Di-ArtStyle trıosy, Baýyrjan Isaev, Rınat Maltsagov jáne Almas Kishkenbaev án shyrqaıdy.

19.00-de Jambyl oblystyq orys drama teatrynda elordalyq M.Gorkıı atyndaǵy Memlekettik akademııalyq orys drama teatry ujymy K.Lıýdvıgtiń «Prımadonna» komedııasyn kóredi.

TÚRKІSTAN OBLYSY  

12.00-de Óńirlik kommýnıkatsııalar qyzmetinde «Rýhanı jańǵyrý» oblystyq jobalyq keńsesiniń jetekshisi Baqytjan Áshirbekov «Rýhanı jańǵyrý» baǵdarlamasy aıasynda bıylǵy júzege asqan jáne aldaǵy ýaqytta josparlanǵan is-sharalarynyń barysy týraly baspasóz máslıhatyn ótkizedi.

Sondaı-aq, erteń Túrkistan qalasynda QR Qarjy mınıstrliginiń aýmaqtyq memlekettik organdarynyń ókildikteri ashylady. Sonymen qatar, memlekettik kirister departamentiniń І jartyjyldyqtaǵy esebi tyńdalyp, salyq salý bazasyn keńeıtý máselesi qaralady.