25 shilde kúngi aýa raıy boljamy
NUR-SULTAN. QazAqparat - Atmosferalyq frontaldy bólikterdiń ótýine baılanysty 25 shilde kúni Qazaqstannyń basym bóliginde qubylmaly kún raıy kútiledi, jańbyr jaýyp, naızaǵaı oınaıdy. Shyǵysta qatty jańbyr kútiledi. Respýblıkanyń tek ońtústiginde jaýyn-shashynsyz aýa raıy saqtalady. Jekelegen óńirlerde tuman, ekpindi jel, daýyl, burshaq boljanady. Ońtústikte shańdy daýyl turýy yqtımal, dep habarlaıdy QazAqparat.
«Qazgıdromet» RMK málimetinshe, Aqmola, Soltústik Qazaqstan oblystarynyń keı jerlerinde kúndiz jel 15-20 m/s kúsheıedi. Jekelegen aýmaqtarda daýyl turyp, burshaq jaýýy múmkin. Túnde jáne tańerteń Soltústik Qazaqstan oblysynda tuman boljanady.
Shyǵys Qazaqstan oblysynyń keı jerlerinde daýyl kútiledi, kúndiz jel 15-20 m/s artady, burshaq jaýýy múmkin.
Pavlodar oblysynyń keı jerlerinde daýyl, tuman, 18 m/s ekpindegi jel, burshaq boljanady.
Qostanaı oblysynyń keı jerlerinde tuman kútiledi, kúndiz jel 15-20 m/s kúsheıedi.
Mańǵystaý, Almaty, Túrkistan, Atyraý, Qaraǵandy, kúndiz Jambyl oblystarynyń keı jerlerinde jeldiń jyldamdyǵy 15-20 m/s jetedi. Túrkistan oblysynyń keı jerlerinde shańdy daýyl turady.
Kúndiz Almaty, Jambyl, Atyraý, Aqtóbe oblystarynda, Qyzylorda, Batys Qazaqstan oblystarynyń keı jerlerinde qatty ystyq boljanady. Kúndiz Mańǵystaý oblysynyń jekelegen aýmaǵynda qatty ystyq, keı jerlerinde óte qatty ystyq bolady.
Sondaı-aq sınoptıkterdiń aqparatyna sáıkes, Qyzylorda, Túrkistan, Aqtóbe, Jambyl, Almaty, keı jerlerde Qaraǵandy, Shyǵys Qazaqstan, Qostanaı oblystarynda óte joǵary órt qaýpi saqtalady.
