25 sáýirge arnalǵan aýa raıy boljamy: QR kóptegen aýmaǵynda jaýyn-shashynsyz aýa raıy kútiledi, tek ońtústigi men batysynda naızaǵaı oınap, jańbyr jaýady
ASTANA. 24 sáýir. QazAqparat - 25 sáýirde Qazaqstannyń kóptegen aýmaǵynda anıtıtsılon yqpaly saqtalyp, sonymen birge jaýyn-shashynsyz aýa raıy kútiledi.
Respýblıkanyń tek ońtústigi men batysynda atmosferalyq frontaldyq bólikterdiń ótýimen naızaǵaı oınap, ótkinshi jańbyr jaýady dep kútilýde, dep habarlaıdy Qazgıdrometke silteme jasaǵan TJM-niń baspasóz qyzmetinen.
Pavlodar, Jambyl, Ońtústik Qazaqstan, Qyzylorda oblystarynda keıbir jerlerde 15-20 m/s-ke deıingi ekpinde soǵatyn jel saqtalyp, Qyzylorda oblysynda shańdy daýyl bolady.
Almaty oblysyndaǵy Jalańashkól aýdanynda jeldiń 20-20 m/s deıin kúsheıýi saqtalýda. Atyraý oblysynda keıbir jerlerge tuman túsedi.
Qyzylorda, Ońtústik Qazaqstan, Almaty jáne Shyǵys Qazaqstan oblystarynda keıbir jerlerde órt qaýpi joǵary bolatyny kútiledi.
Jaqyn táýlikterde respýblıkanyń ońtústiginde, ońtústik-shyǵysynda jáne shyǵysynda sýlylyqtyń aýytqýlary kútilýde. Jaıyq ózeninde tasqynnyń birte-birte damýy baıqalady.
