25 sáýir kúni elimizdiń basym bóliginde kún ashyq bolady
ASTANA. QazAqparat - 25 sáýir kúni Qazaqstan aýmaǵynyń basym bóliginde kún ashyq bolady dep kútiledi.
Tek respýblıkamyzdyń soltústik, shyǵys jáne ońtústik aımaǵynda atmosferalyq frontaldy bólikterdiń ótýine baılanysty jaýyn-shashyn bolyp, naızaǵaı kútiledi, jel kúsheıedi. Bul týraly Qazgıdrometke silteme jasap, QR ІІM TJK habarlady.
Qyzylorda, kúndiz Atyraý, Batys Qazaqstan oblysynda jel 15-20 m/s kúsheıedi, shańdy daýyl bolady.
Soltústik Qazaqstan, Mańǵystaý, Shyǵys Qazaqstan, kúndiz Ońtústik Qazaqstan, Jambyl oblystarynyń keı jerlerinde jeldiń kúshi 15-20 m/s bolady.
Aqmola, Qostanaı oblystarynyń keı jerlerinde túnde jáne tańerteń tuman bolady, jel 15-20 m/s kúsheıedi. Qaraǵandy men Pavlodar oblystarynyń keı jerlerine tuman túsedi. Aqtóbe oblysynyń birqatar jerlerinje joǵarǵy órt qaýpi saqtalady.
