25 protsenttik ústemeaqy: Ákimdikte qaı qyzmetshilerdiń jalaqysy ósedi

ASTANA. QazAqparat - QR Ulttyq ekonomıka mınıstri Rýslan Dálenov ákimdik qyzmetkerleriniń jalaqysyn kóterý máselesi boıynsha baıandama jasady. Prezıdenttiń tapsyrmasy boıynsha jergilikti jerde jalaqysy tómen ákimdik qyzmetkerleriniń jalaqysyn 25 protsentke arttyrý qajet, dep xabarlaıdy QazAqparat tilshisi.

"Ákimshilik qyzmetshileriniń jalaqysyna qatysty aıtar bolsaq, atalǵan shara 78 myń memlekettik qyzmetshige qatysty bolady. Olar - jergilikti jerde jumys isteıtin mamandar. Negizinen, sarapshylar, jetekshi mamandar jáne bas mamandar. Ortasha eseppen alǵanda jalaqy 25 protsentke ósedi. Mysaly, eger bas mamannyń ortasha jalaqysy 84 myń teńgeni qurasa, endi ol 100 myń teńge boldy", - dedi R.Dálenov Úkimettiń búgingi otyrysynda.

Mınıstrdiń sózine qaraǵanda, ákimdik qyzmetkerleriniń jalaqysyn kóterýge qosymsha 76,5 mıllıard teńge qajet bolady. Sonyń ishinde 2019 jylda 15,3 mıllıard teńge kerek.

Aıta keteıik, keshe "Nur Otan" partııasynyń XVIII sezinde QR Prezıdenti Nursultan Nazarbaev ákimdik qyzmetkerleriniń jalaqysy 25 protsentke kóterýdi tapsyrdy.