25 naýryzdaǵy aýa raıy boljamy - Qazgıdromet
ASTANA. QazAqparat - Qazaqstannyń basym bóligi antıtsıklon yqpalynda bolýymen baılanysty aýa raıy ashyq bolady.
Respýblıkanyń shyǵysynda, ońtústiginde jáne soltústik jaǵyndaǵy shetinde atmosferalyq aǵyndar ótýimen aýa raıynyń turaqsyz sıpaty kútiledi, keı jerlerde jaýyn-shashyndy bolyp, jel kúsheıedi, keı aýdandarda tuman túsedi, kóktaıǵaq bolady, dep habarlady QR TJM baspasóz qyzmeti «Qazgıdrometke» silteme jasap.
Shyǵys Qazaqstan, Jambyl, Ońtústik Qazaqstan oblystarynda keı jerlerde tuman túsedi, jeldiń kúshi 15-20 m/s-qa jetedi. Aqmola, Mańǵystaý oblystarynda keı jerlerde tuman túsýi, kúndiz jeldiń 15-20 m/s-qa deıin kúsheıýi kútiledi. Soltústik Qazaqstan, Qostanaı oblystarynda túnde jáne tańerteń keı jerlerde tuman túsip, tańerteń jáne kúndiz keı aýdandarda kóktaıǵaq bolady, jeldiń kúshi 15-20 m/s. Qyzylorda, Batys Qazaqstan, túnde jáne tańerteń Qaraǵandy oblystarynda keı jerlerde tuman túsedi.
