25 naýryz kúni naızaǵaı jarqyldap, jańbyr jaýady
NUR-SULTAN. QazAqparat - Qazgıdromet RMK erteń, 25 naýryzǵa arnalǵan aýa raıy boljamyn usynady, dep habarlaıdy QazAqparat.
Qazaqstannyń basym aýmaǵynda atmosferalyq fronttardyń ótýine baılanysty jaýyn-shashyn bolady, tek respýblıkanyń soltústiginde aýa raıy jaýyn-shashynsyz, kún ashyq. Keı jerlerde tuman, kóktaıǵaq bolýy yqtımal. Naızaǵaı jarqyldap, qatty jel turady.
Qyzylorda, Mańǵystaý, Shyǵys Qazaqstan, Qostanaı oblystarynyń keı jerlerinde tuman, kúndiz jel ekpini 15-20 m/s deıin kúsheıedi. Qostanaı oblysynda kúndiz jel qarqyny - 23 m/s, Qyzylorda oblysynda kúndiz shańdy daýyl kútiledi.
Aqtóbe, Batys Qazaqstan, Atyraý oblystarynyń keı jerlerinde tuman bolyp, jel 15-20 m/s deıin ekpindeıdi.
Batys Qazaqstannyń keı jerlerinde kóktaıǵaq kútiledi.
Aqmola, Jambyl, Soltústik Qazaqstan, Qaraǵandy, Pavlodar, túnde Almaty oblystarynyń keı jerlerinde tuman kútiledi. Aqmola, Pavlodar oblystarynyń keı jerlerinde kóktaıǵaq bolady.
