25 naýryzda eldegi qaı joldar ashyq, qaısysy jabyq

ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady.

Ulttyq kompanııanyń málimetinshe, kelesi ýchaskelerde barlyq kólik túri úshin qozǵalys ashyldy:

Qaraǵandy oblysy

• «Qyzylorda — Jezqazǵan — Qaraǵandy — Shiderti» avtojolynyń 970-1135-shaqyrym aralyǵy (Qaraǵandy qalasy — Pavlodar oblysynyń shekarasy).

Pavlodar oblysy

• «Qyzylorda — Jezqazǵan — Qaraǵandy — Shiderti» avtojolynyń 1135-1206-shaqyrym aralyǵy (Qaraǵandy oblysynyń shekarasy — Shiderti kenti).

Jabyq joldar

Aqmola oblysy

• «Astana — Qaraǵandy — Almaty» avtojolynyń 30-92-shaqyrym aralyǵy (Jibek Joly aqyly jol pýnkti — Qaraǵandy oblysynyń shekarasy).

Soltústik Qazaqstan oblysy

• «Tımırıazevo — Sarykól — Qostanaı oblysynyń shekarasy» avtojolynyń 0-30-shaqyrym aralyǵy (Tımırıazevo aýyly — Qostanaı oblysynyń shekarasy).

Pavlodar oblysynda «Astana — Shiderti — Pavlodar — Ýspenka — RF shekarasy» avtojolyndaǵy «Qalqaman» jolaıryǵy ýchaskesi (Qalqaman kentine kireberis pen Astana baǵytyna shyǵar jol) jabyq tur.

Sondaı-aq Shyǵys Qazaqstan oblysyndaǵy Osınov asýynda tirkemesi bar jáne jartylaı tirkemeli júk kólikteriniń qozǵalysy ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avtojolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde qysqy maýsym aıaqtalǵansha saqtalady.

Eske salaıyq, «Qazgıdromet» 25 naýryzda elimizdiń birneshe óńirinde aýa raıyna baılanysty eskertý jasady.