25 myńnan asa aqtóbelik «Halyqty qaýipsizdikpen qamtamasyz etý» jobasymen qamtyldy
AQTÓBE. QazAqparat - Aqtóbe oblysynda 9 qazanda bastaý alǵan «Halyqty qaýipsizdikpen qamtamasyz etý» jobasy 4 qarashaǵa deıin jalǵaspaq.
Utqyr toptar Áıteke bı, Hromtaý, Muǵaljar, Temir, Mártók, Qarǵaly, Baıǵanın, Shalqar aýdandarynda jumys jasap jatyr.
Qazirgi tańda «Aýqymdy túsindirý jumystary men dinı suraqtar» boıynsha 114 is-shara ótkizilip, aýdandardyń 5054 turǵynyna ekstremızm ıdeologııasynyń zııandyǵy túsindirildi, ıslamdaǵy «Hanafıt mazhabynyń» róli ashyp aıtyldy.
Teologtarmen jáne sarapshylarmen sóılesýge kelisken destrýktıvti dinı aǵym jetegindegi 167 adammen 25 kezdesý ótkizildi.
Búginde júrgizilgen is-sharalardyń nátıjesinde úsh tulǵa dástúrli ıslamǵa kóshse, taǵy 22-si raıynan qaıtýǵa nıetti.
Qylmystyq atqarý júıesi mekemelerinde 69 sottalýshyny qamtyǵan segiz is-shara ótkizilip, áıelder jamaǵatymen jumystar júrgizildi.
«Bıznes ortany damytý» baǵyty boıynsha 1274 tulǵany qamtyǵan 44 is-shara ótkizilip, sýbsıdııa tóleý suraqtary sheshildi, memlekettik baǵdarlamalar boıynsha bıýdjettik tapsyrystar berýge, shaǵyn nesıeler alý úshin qujattar rásimdeýge kómek kórsetildi, bıznesti uıymdastyrý jáne júrgizý boıynsha semınarlar men jattyǵýlar uıymdastyryldy.
Hromtaý aýdanynda «Bıznes - Bastaý» baǵdarlamasy boıynsha oqytý bastalyp, jalpy somasy 125,3 mln teńge bolatyn 12 jobany júzege asyrý úshin kómek kórsetildi.
Áleýmettik máselelerdi sheshý aıasynda 2833 adamdy qamtyǵan 83 is-shara ótkizildi, 330 aýyl turǵyny naqty kómek aldy. Aýla mańyn tekserýmen 322 adam qamtyldy.
Áleýmettik jaǵdaıy tómen 193 otbasyǵa «Órleý» memlekettik baǵdarlamasyna qatysý tártibi túsindirilse, onyń 19-na túrli kómekter kórsetildi.
75 jumyssyzben jumystar júrgizilip, olardyń 28-i eńbekpen qamtyldy, qalǵandaryna keńester berildi. 22 eńbek ujymyna eńbek zańnamasy túsindirilip, 41 eńbek shartyna qol qoıyldy.
Oblys dárigerleri 1558 adamdy qamtı otyra 12 is-shara ótkizdi.
«Aqparattyq jumys» aıasynda 1218 adamdy qamtı otyra 230 is-shara ótkizildi.
9 myńnan asa adamdy qamtyǵan oblys turǵyndarymen terrorızm aktisiniń qaýpi men ony jasaý jaǵdaılary kezindegi áreketter týraly keńesterdi túsindirý boıynsha 20 kezdesý ótkizildi.
Jalpy alǵanda, 25 myńǵa jýyq adamdy qamtyǵan 605 is-shara ótkizildi, dep habarlaıdy «Aqtóbe aqparat» ortalyǵy.
