2,5 mlrd teńge: 5 myńnan astam balanyń alımenttik qaryzy óndirildi

ASTANA. KAZINFORM - Prokýratýranyń qadaǵalaý qyzmetiniń basym baǵyttarynyń biri – jalaqy men alıment óndirý.

Elorda prokýratýrasynyń úılestirýimen sot oryndaýshylary jalaqy boıynsha boryshkerlerden 320 mln teńgeni óndirip, 160 jumysshynyń quqyǵyn qorǵady.

5 myńnan astam balanyń 2,5 mlrd teńgege alımenttik qaryzy óndirildi. Qalalyq prokýratýra boryshkerlerdiń sot aktilerin oryndaýdan jaltarý faktilerin anyqtaý boıynsha jumys júrgizip jatyr. Mysaly, 1 mlrd teńgeden astam qaryzy bar 500 asa boryshker qumar oıyndarǵa (býkmekerlik keńseler, kazınolar, onlaın kazınolar arqyly) 1,5 mlrd teńge aınalymymen qatysqan.

8 mln teńge qaryzy bar basqa 2 boryshker kýrerlik jetkizý qyzmetinde jumys istep júrip kiristerin jasyrǵan. 10 boryshker 230 mln teńgeni quraıtyn kásipkerlik qyzmetten túsken kiristen 50 mln teńge kóleminde qaryzyn ótemegen.

Atalǵan zańbuzýshylyqtar boıynsha qalalyq prokýratýra 38 sotqa deıingi tergep-tekserýge bastamashylyq jasady, 14 boryshker sottaldy, 165 - ákimshilik jaýaptylyqqa tartyldy. Sondaı-aq engizilgen prokýrorlyq qadaǵalaý aktisi boıynsha ýákiletti organ olardy joıý sharalaryn qabyldap jatyr.

Atyraýda alıment tólemeı júrgender qumar oıynǵa qyrýar qarjy aýdarǵanyn jazǵan bolatynbyz.