25 maýsymda Aqtaýda sırenalar iske qosylady
ASTANA. KAZINFORM — Aqtaýda qulaqtandyrý júıesiniń daıyndyǵy tekseriledi.
Aqtaý qalasynda 25 maýsym kúni tótenshe jaǵdaılar kezinde halyqty habardar etý júıesiniń daıyndyǵyn tekserý maqsatynda josparly tehnıkalyq synaq ótkiziledi.
Aqtaý qalalyq Tótenshe jaǵdaılar basqarmasynyń málimetinshe, tekserý barysynda elektrosırenalar iske qosylyp, dabyl júıeleri synaq rejıminde jumys isteıdi.
Іs-shara 2026 jylǵy 25 maýsymda saǵat 11:00–de uıymdastyrylady.
Mamandar turǵyndar men qala qonaqtaryn sabyr saqtaýǵa shaqyryp, bul tek josparly profılaktıkalyq shara ekenin eskertti.
— Qurmetti turǵyndar, júrgiziletin jumystarǵa túsinistikpen qarap, alańdamaýlaryńyzdy suraımyz. Sırenalardyń qosylýy tótenshe jaǵdaıdyń belgisi emes, qulaqtandyrý júıesiniń tehnıkalyq daıyndyǵyn tekserýge baǵyttalǵan josparly synaq, — delingen Aqtaý qalasy ákimdiginiń baspasóz qyzmeti taratqan habarlamada.
Budan buryn Aqtaýda Kaspıı teńizi jaǵalaýynda shashylyp jatqan et qaldyqtary turǵyndardyń ashýyn týdyrǵanyn jazdyq.
