25 mamyrda mektep bitirýshilerge banket ótkizýge tyıym salynady - Ǵabıdolla Ábdirahymov
ShYMKENT. QazAqparat - Mamyr aıynyń 25 juldyzynda mektep oqýshylaryna banket ótkizýge tıym salynady. Sońǵy qońyraý kúni túlekterdiń qaýipsizdik sharalaryn kúsheıtý jumystaryn talqylaǵan jıynda Shymkent qalasynyń ákimi Ǵabıdolla Ábdirahymov osylaı dedi. Shahar basshysy, sondaı-aq, bul kúni qala kóshelerinde kortejderdiń júrmeýin de qatań qadaǵalaýdy tapsyrdy, dep habarlaıdy QazAqparat HAA tilshisi.
Májiliste qala ákimi sońǵy qońyraý soǵylǵan jáne mektep bitirý keshterin ótkizgen kúnderi túlekterdiń qatysýymen ótetin sherýlerge tyıym salý bastamasyn kóterdi. Bul baǵytta jergilikti polıtsııa qyzmetkerlerine kúsheıtilgen tártipte jumys istep, keshkilik mezgilde oıyn-saýyq ortalyqtarynda arnaıy reıd júrgizýge tapsyrma berildi.
«Esh jerde banketter ótpesin. Men bul baǵytta qadaǵalaýdy bilim bólimine jáne ishki ister basqarmasymen birlesip oryndaýdy tapsyramyn. Kezekshilik júrgizip, qoǵamdyq oryndar men meıramhanalarda, demalys oryndary men mektepterdi qarap shyǵyńyzdar. Aldyn ala ata-analarmen jınalystar ótkizip, osy tapsyrmany jetkizińizder. Óıtkeni balalardyń qaýipsizdigine sol ata-analar men mektep dırektorlary da jaýapty», - dedi Ǵabıdolla Ábdirahymov.
Aıta keteıik, jyl saıyn sońǵy qońyraý kúni túlekter túrli keleńsiz, qaıǵyly jaǵdaılarǵa tap bolyp jatady. Máselen, ótken jyly Maqtaral aýdanynda eki mektep bitirýshi jol apatynan ajal qushqan bolatyn.
