25 mamyr kúnine aýa raıy boljamy

ASTANA. QazAqparat – 25 mamyr kúni atmosferalyq bólikterdiń ótýimen eldiń batysynda, soltústiginde, ońtústigi men ońtústik-shyǵysynda naızaǵaı oınap, jańbyr jaýady. Respýblıkanyń qalǵan aımaqtarynda soltústik antıtsıklon jotasynyń áserinen jaýyn-shashynsyz, ashyq kún raıy kútiledi. Barlyq óńirde jel kúsheıip, batys pen ońtústikte shańdy daýyl saqtalady. QazAqparat bul týraly Qazgıdrometke silteme jasap habarlaıdy.

Sondaı-aq Pavlodar oblysynyń basym bóliginde, Qyzylorda oblysynyń shyǵysynda, ortalyǵynda, Qaraǵandy oblysynyń shyǵysynda, Ulytaý oblysynyń ortalyǵynda, Qostanaı oblysynyń ońtústiginde, Atyraý oblysynyń ońtústiginde, shyǵysynda, Abaı oblysynyń soltústiginde tótenshe órt qaýpi saqtalady.