25 mamyr kúni Qazaqstannyń kóptegen bóliginde naızaǵaıly jańbyr kútilýde
ASTANA. 24 mamyr. QazAqparat - Qazaqstan aýmaǵynyń kóptegen bóliginde atmosferalyq frontaldyq bólikterdiń ótýinen 25 mamyr kúni keıbir jerlerde ekpindi jeli bar naızaǵaıly jańbyrlar kútilýde.
Respýblıkanyń tek ońtústik-shyǵysynda jaýyn-shashynsyz aýa raıy saqtalady, dep habarlaıdy Qazgıdrometke silteme jasaǵan TJM-niń baspasóz qyzmetinen.
Atyraý, kúndiz Qyzylorda oblystarynda keıbir jerlerde jeldiń 15-20 m/s deıin soǵýy, shańdy daýyldyń oryn alýy yqtımal.
Batys Qazaqstan, Qostanaı, Soltústik Qazaqstan, Aqmola, Pavlodar, Shyǵys Qazaqstan, Ońtústik Qazaqstan, kúndiz Qaraǵandy, Jambyl oblystarynda keıbir jerlerde jeldiń 15-20 m/s deıin soǵýy kútiledi.
Kúndiz Shyǵys Qazaqstan oblysynda burshaq túsýi múmkin. Atyraý oblysynda keıbir jerlerde kún 36 gradýsqa deıin ystyq bolady.
Mańǵystaý, Atyraý, Aqtóbe, Qyzylorda, Ońtústik Qazaqstan oblystarynda keıbir jerlerde órttiń tótenshe joǵary qaýiptiligi saqtalady.
Jaqyn táýlikterde respýblıkanyń ońtústik, ońtústik-shyǵys jáne shyǵysyndaǵy ózenderde sý deńgeıleriniń aýytqýlary kútiledi.
