25 qyrkúıekte marafonǵa baılanysty Almatydaǵy joldardyń keıbir bóligi jabylady
ALMATY. QazAqparat - «Almaty marafony» júgirý jarysynyń uıymdastyrý komıteti jarys ótetin kúni joldardyń ishinara jabylatynyn málim etti, dep habarlaıdy QazAqparat tilshisi.
24 qyrkúıek kúngi tańǵy saǵat 6:00-den bastap 25 qyrkúıek kúngi keshki saǵat 18:00-ge deıin marafon ótetin jerlerde joldardaǵy qozǵalys ishinara jabylady.
Sportshylardyń qashyqtyqty júgirip ótý shamasyna qaraı joldar ashylyp otyrady. Marafonnyń sóresi men máresi Respýblıka alańynda bolady, sondyqtan 24 qyrkúıek kúngi saǵat 6:00-den bastap 25 qyrkúıek kúngi saǵat 18:00-ge deıin Sátbaev kóshesinde Jeltoqsan kóshesinen bastap Nazarbaev dańǵylyna deıingi jol bóliginde eki qozǵalys jolaǵy da jabylady.
25 qyrkúıekte myna joldarda qozǵalys shekteledi:
Nazarbaev dańǵylynda Sátbaev kóshesinen ál-Farabı dańǵylyna deıingi jol bóliginde saǵat 7:00-den 10:40-qa deıin qozǵalys tolyq jabylady.
Ál-Farabı dańǵylynda Nazarbaev dańǵylynan Dostyq dańǵylyna deıingi jol bóliginde shara ótetin kúni saǵat 7:00-den 8:45-ke deıin qozǵalys tolyq jabylady.
Ál-Farabı dańǵylynda Nazarbaev dańǵylynan Shashkın kóshesine deıingi jol bóliginde saǵat 7:00-den 11:10-ǵa deıin qozǵalys ishinara jabylady, kósheniń ońtústik jaǵy kólik qozǵalysyna ashyq bolady.
Ál-Farabı dańǵylynda Shashkın kóshesinen Saın kóshesine deıingi jol bóliginde saǵat 7:00-den 13:30-ǵa deıin qozǵalys ishinara jabylady, kósheniń ońtústik jaǵy kólik qozǵalysyna ashyq bolady.
Saın kóshesinde ál-Farabı dańǵylynan Abaı dańǵylyna deıingi jol bóliginde saǵat 7:00-den 13:30-ǵa deıin qozǵalys ishinara jabylady, kósheniń batys jaǵy kólik qozǵalysyna ashyq bolady.
Abaı dańǵylynda Saın kóshesinen Baıtursynov kóshesine deıingi jol bóliginde saǵat 7:00-den 13:00-ge deıin qozǵalys ishinara jabylady, dańǵyldyń soltústik jaǵy kólik qozǵalysyna ashyq bolady.
Baıtursynov kóshesinde Abaı dańǵylynan Sátbaev kóshesine deıingi jol bóliginde saǵat 7:00-den 14:00-ge deıin qozǵalys tolyq jabylady.
Sátbaev kóshesinde Baızaqov kóshesinen Baıtursynov kóshesine deıingi jol bóliginde saǵat 7:00-den 10:35-ke deıin qozǵalys tolyq jabylady.
Sátbaev kóshesinde Baıtursynov kóshesinen Jeltoqsan kóshesine deıingi jol bóliginde saǵat 7:00-den 13:30-ǵa deıin qozǵalys tolyq jabylady.
Baızaqov kóshesinde Tımırıazev kóshesinen Sátbaev kóshesine deıingi jol bóliginde saǵat 7:00-den 10:35-ke deıin qozǵalys tolyq jabylady.
Tımırıazev kóshesinde Shashkın kóshesinen Baızaqov kóshesine deıingi jol bóliginde saǵat 7:00-den 10:35-ke deıin qozǵalys tolyq jabylady.
Shashkın kóshesinde ál-Farabı dańǵylynan Tımırıazev kóshesine deıingi jol bóliginde saǵat 7:00-den 10:35-ke deıin jabylady.
Sonymen qatar uıymdastyrý komıteti Respýblıka alańyna avtokólikpen jetý baǵytyn usyndy:
Jeltoqsan kóshesiniń boıymen ońtústikke qaraı Sátbaev kóshesine deıin;
Sátbaev kóshesiniń boıymen batysqa qaraı Nazarbaev dańǵylyna deıin;
Nazarbaev dańǵylynyń boıymen ońtústikke qaraı Sátbaev kóshesine deıin;
Ál-Farabı dańǵylynyń ońtústik jaǵymen Nurly Taýǵa deıin kólikpen jetip, Alańǵa deıin jaıaý barý;
Abaı dańǵylynyń boıymen batysqa qaraı Jeltoqsan kóshesine deıin;
Shevchenko jáne Qurmanǵazy kósheleriniń boıymen Jeltoqsan kóshesine deıin;
Metromen «Abaı» stantsııasyna deıin;
Esterińizge sala keteıik, 25 qyrkúıekte jyl saıynǵy eń iri júgirý jarysy – «Almaty marafony» ótedi. Júgirýshiler úshin kelesi qashyqtyqtar qarastyrylǵan: 10 km, 21,1 km, 42,2 km, Ekıden komandalyq estafetasy, 10 km soltústik jaıaý júrý.
