25 qyrkúıekte elordada Eńbek kúni atalyp ótiledi
ASTANA. QazAqparat - Qazaqstanda qyrkúıektiń sońǵy jeksenbisinde Eńbek kúni atalyp ótiledi. Bıylǵy jyly atalǵan mereke úshinshi ret merekelenedi, dep habarlaıdy elorda ákimdiginiń baspasóz qyzmeti.
Ataýly data qoǵamda adam eńbeginiń bedelin ósirýge, eńbek ónimdiligin yntalandyrýǵa, jumysshy mamandyqtardy nasıhattaýǵa jáne jastardy óndiris salasyna tartýǵa, jumysshy áýletterdiń kóp jyldyq dástúrin nyǵaıtýǵa baǵyttalǵan.
Eńbek kúnin merekeleý aıasynda Astanada 23 qyrkúıekte saǵat 10:00-de «Jastar» teatry ǵımaratynda qalalyq eńbek Forýmy ótedi. Shara barysynda «Eńbek joly» qalalyq konkýrsynyń «Úzdik eńbek áýleti», «Óndiristiń úzdik jas mamany» jáne «Jumys isteıtin jastardyń úzdik tálimgeri» nomınatsııalary boıynsha jeńimpazdaryn, kásipteri boıynsha úzdikterdi quttyqtaıdy. Sonymen qatar, sporttyq jarystar, estrada ártisteriniń qatysýymen kontsert jáne basqa da merekelik sharalar uıymdastyrylady.
