25 qyrkúıek. Týǵan kún ıeleri
ESІMDER
77 jyl buryn (1941-2003) tehnıka ǵylymynyń doktory, professor RAHIMOV Esentaı Rahımuly dúnıege keldi.
Jambyl oblysynyń Kókterek aýdanynda týǵan. Qazaq memlekettik ýnıversıtetin, KSRO Ǵylym Akademııasy Máskeý memlekettik mashınataný ǵylymı-zertteý ınstıtýtynyń aspırantýrasyn bitirgen. Eńbek jolyn 1965 jyly Qazaq memlekettik ýnıversıtetiniń assıstenti bolyp bastap, ómiriniń sońyna deıin osy oqý ordasynyń aǵa oqytýshysy, aǵa ǵylymı qyzmetkeri, dotsenti, fakýltet dekany, kafedra meńgerýshisi, teoretıkalyq jáne qoldanbaly matematıka kafedrasynyń professory bolǵan.
Ǵalymnyń 130 ǵylymı eńbegi, onyń ishinde 5 monografııasy, 6 oqý quraly jáne birneshe ǵylymı shyǵarmalary bar. Kóptegen shyǵarmalary Ulybrıtanııada, Italııada, Ispanııada, ıÝgoslavııada, Úndistanda, Bolgarııada, Germanııada jáne TMD elderinde jaryq kórgen. 8 tehnıka ǵylymynyń kandıdatyn daıarlaǵan.
63 jyl (1955) buryn Almaty oblysy Sarqan aýdanynyń ákimi QOShANBEKOV Erǵazy Qoshanbekuly dúnıege keldi.
Almaty oblysy Kúrti aýdany Qarabek aýylynda dúnıege kelgen. 1988 jyly Almaty qalasyndaǵy Qazaq mal dárigerlik ınstıtýtyn «zooınjener» mamandyǵy boıynsha, 2004 jyly D.Qonaev atyndaǵy ýnıversıtetin «Quqyqtaný» mamandyǵy boıynsha támamdady.
Eńbek jolyn 1972 jyly Almaty oblysy Balqash aýdany Balatopar keńsharynyń jumysshylar kooperatsııasynda satýshy retinde bastady. 1973-1975 jyldar aralyǵynda Keńes Áskeri qatarynda merzimdi áskerı qyzmetin atqardy. 1975-1978 jyldar aralyǵynda Balqash aýdany Balatopar aýylyndaǵy keńshar jumysshylarynyń kooperatsııasynda azyq-túlik dúkeniniń meńgerýshisi. 1978-1985 jyldary Balqash aýdanyndaǵy Quıǵan keńsharynyń kadr bóliminiń ınspektory, ferma meńgerýshisi. 1985-1992 jyldary Jeltoranǵy keńsharynyń bas zootehnıgi. 1992-1996 jyldary T.Bokın atyndaǵy keńsharynyń dırektory. 1996-1998 jyldary Kúrti, Balqash aýdandarynyń aýylsharýashylyq basqarmasynyń bastyǵy. 1998-2001 jyldary Balqash aýdany ákiminiń birinshi orynbasary. 2001-2011 jyldary aralyǵynda Balqash aýdanynyń ákimi. 2011-2014 jyldary «Nur Otan» Halyqtyq demokratııalyq partııasy Almaty oblystyq fılıaly tóraǵasynyń birinshi orynbasary bolǵan.
Qazirgi qyzmetinde - 2014 jyldan beri.
58 jyl buryn (1960) Abaı atyndaǵy Qazaq memlekettik akademııalyq opera jáne balet teatrynyń metstso-soprano daýysty ánshisi, Qazaqstan Respýblıkasynyń eńbek sińirgen qaıratkeri, M.Glınka atyndaǵy halyqaralyq ánshiler baıqaýynyń laýreaty IŞANOVA Sara dúnıege keldi.
Almaty qalasynda týǵan. Abaı atyndaǵy Qazaq memlekettik akademııalyq opera jáne balet teatry janyndaǵy opera stýdııasyn, P.Chaıkovskıı atyndaǵy Máskeý memlekettik konservatorııasy janyndaǵy mýzykalyq ýchılışesin, P.Chaıkovskıı atyndaǵy Máskeý memlekettik konservatorııasyn bitirgen.
1990 jyldan bastap Abaı atyndaǵy Qazaq memlekettik akademııalyq opera jáne balet teatry quramynyń solo-ánshisi. Osy teatrdaǵy alǵashqy partııasy - Lıýbasha (N.Rımskıı-Korsakov «Patsha qalyńdyǵy»). Budan keıin Graf áıeli, Olga (P.Chaıkovskııdiń «Qarǵanyń mátkesi»,«Evgenıı Onegın»), Amnerıs («Aıda» Dj.Verdı), Flora («Travıata» Dj.Verdı), Azýchena («Trýbadýr» Dj.Pýchchını), Karmen («Karmen» J.Bıze), Marta («Faýst» Sh.Gýno), Maddalena («Rıgoletto» Dj.Verdı), taǵy basqa orys jáne shet el klassıkteriniń opera partııalaryn kemeline keltire oryndap, shyǵarmashylyq kontsertterge belsene qatysqan. Gastroldik saparmen Qytaı men Túrkııada, Máskeý, Sankt-Peterbýrg qalarynda bolyp, óner kórsetti.
34 jyl buryn (1984) Qazaqstan Respýblıkasy Іshki ister mınıstrligi Memlekettik til jáne aqparat departamentiniń dırektory - Mınıstrdiń baspasóz hatshysy SADÝBAEV Almas Qadyrbekuly dúnıege kelgen.
Ol Taraz qalasynda dúnıege kelgen. 2001-2005 jyldary M.H.Dýlatı atyndaǵy TarMÝ-dyń Jýrnalıstıka fakýltetin úzdik dıplommen támamdaǵan. 2005-2007 jyldary «Qaınar» ýnıversıtetinde ekonomıka mamandyǵy boıynsha bilim alǵan. 2011 jyly Abaı atyndaǵy KazUPÝ-dyń «Aımaqtaný» mamandyǵy boıynsha áleýmettik ǵylymdar magıstri dárejesin alǵan.
Eńbek jolyn 2003 jyly Taraz qalasyndaǵy oblystyq radıoda jańalyqtar bóliminiń redaktory bolyp bastaǵan. 2004 jyldan bastap oblystyq «Qazaqstan-Taraz» telearnasy jańalyqtar bóliminiń redaktory, 2005-2008 jyldar aralyǵynda Astana qalasynda «Qazaqstan» ulttyq arnasy jańalyqtar bóliminiń redaktory, PR-dırektor qyzmetterin atqarǵan. 2008-2010 jyldary Almaty qalasynda Respýblıkalyq «Zań gazeti» men «Zań» jýrnalynyń bas redaktory, 2010 jyly Qazaqstan Respýblıkasy Joǵarǵy Soty tóraǵasynyń baspasóz hatshysy. 2010-2011 jyldar aralyǵynda Qazaqstan Respýblıkasy Prezıdentiniń baspasóz qyzmetiniń sarapshysy bolyp qyzmet istegen. 2011-2015 jyldar aralyǵynda «QR ІІO Medıa ortalyǵy» JShS-niń bas dırektory.
Qazirgi qyzmetinde - 2015 jyldyń aqpanynan bastap.