25 qyrkúıek. QazAqparat kúntizbesi
25 qyrkúıek, SEISENBІ
Naýrý jastarynyń ulttyq kúni
Bul mereke eldiń jastaryna, olardyń qoǵamdy damytýdaǵy róline arnalǵan, Naýrýda aıtarlyqtaı keń aýqymda atalyp ótiledi.
Naýrý - álemdegi eń shaǵyn respýblıka, onyń táýelsizdigi 1968 jyly jarııalanǵan. Aralda ornalasqan shaǵyn memlekettiń aýmaǵy 20 sharshy shaqyrymdy quraıdy, al halyq sany - shamamen 12-13 myń adam.
Frantsııada harkıge alǵys bildirýdiń ulttyq kúni
2001 jyly bekitilgen. Harkı - 1954-1962 jyldary Aljırdegi qaqtyǵys kezinde frantsýzdar jaǵynda soǵysqan aljırlik musylman-sarbazdar. Keıinnen Frantsııany jaqtaǵan barlyq musylman aljırlikterdi osylaı ataǵan.
ESTE QALAR OQIǴALAR
1928 jyly Qyzylordada «Lenınskaıa smena» atty jastar gazetiniń (qazirgi «Ekspress-K» respýblıkalyq gazeti) alǵashqy sany jaryq kórdi.
1937 jyly Almatyda qalalyq haıýanattar baǵy ashyldy.
Búgingi kúni haıýanattar baǵynda 3 myńnan astam janýar men qustardyń 500 túri bar. Ol qala qonaqtary men turǵyndarynyń demalatyn jáne kóz tartatyn oryndarynyń birine aınaldy.
1947 jyly Óskemen myrysh zaýyty iske qosyldy.
2001 jyly Astanada QR Prezıdenti Nursultan Nazarbaevqa Vengrııa men Qyrǵyzstannyń Tótenshe jáne Ókiletti elshileri Mıklosh ıAtskovıch pen Jumaǵul Saadanbekov senim gramotalaryn tabys etti.
2005 jyly Almatyda Qazaqstan Respýblıkasynyń Prezıdenti janyndaǵy Qazaqstan strategııalyq zertteýler ınstıtýty Reseıdiń, Shyǵys Eýropanyń jáne Ortalyq Azııanyń, Qytaı Halyq Respýblıkasynyń qoǵamdyq ǵylymdar Akademııasymen yntymaqtastyq týraly kelisimge qol qoıdy.
Ǵylymı zertteýlerdiń negizgi baǵyttary - dostastyq memleketter arasyndaǵy saýda jáne qarjy-ekonomıkalyq qarym-qatynasty keńeıtý.
2005 jyly Shymkent arheologtary Ońtústik Qazaqstannyń Ordabasy aýdanynda kóne jazba eskertkishteriniń bólshekterin tapty.
Ǵalymdardyń paıymdaýynsha, bul jádigerler bizdiń dáýirimizdegi І-VI ǵasyrlardan jetip otyr. Sol dáýirde Ejelgi Shyǵys memleketterinde qysh taqtalarǵa jazý tásili keńinen taraǵan. «Mıras» ýnıversıtetiniń arheologııalyq otrıady kúıdirilgen qysh taqtasyn Arys ózeni alqabynda ornalasqan Qylymjar degen jerdegi kóne qonystan tapty. Tabylǵan qysh taqtada tórt qatar etip jazylǵan 15 tańba anyq kórinedi.
2006 jyly Qazaqstan men Úndistannyń áskerı alpınıster toby Ladakhedegi 7140 metrlik Nýn shyńyna kóterildi. Bul eki eldiń shyńǵa órmeleýshileriniń birlesip jasaǵan alǵashqy sharasy. 34 adamnan turatyn atalmysh ekspedıtsııaǵa Úndistan Qarýly Kúshteriniń podpolkovnıgi A.Got jetekshilik jasady. Oǵan Qazaqstannan aǵa leıtenant Tahır Alpysov pen Rústam Jorabaev jáne serjant ıÝrıı Gorbýnov, Sergeı Samoılov, Aleksandr Rýdakov pen Dmıtrıı Chýmakov qatysty.
2007 jyly Almatyda brıtandyq «Heılıberı» mektebiniń qurylysynyń irgetasyna kapsýla qalaý rásimi ótti.
TMD-daǵy bul alǵashqy brıtandyq orta mektep «Heılıberı Almaty» dep ataldy. Oqýdy aıaqtaǵan oqýshylar orta bilim bitirgeni jónindegi sertıfıkat - IGCSE (International General Certificate of Secondary Education) jáne halyqaralyq bakalavr dıplomyn alýǵa múmkindik aldy.
2009 jyly Taldyqorǵanda Almaty oblysy Іshki ister departamentiniń ǵımaratynda Jedel basqarý ortalyǵy ashyldy.
Іshki ister organdaryn tehnıkalyq qaıta jaraqtaý jáne aqparattyq qamtamasyz etýdiń memlekettik baǵdarlamasy aıasynda Іshki ister mınıstrligi azamattardyń konstıtýtsııalyq quqyqtaryn qorǵaýdy qamtamasyz etýge baǵyttalǵan polıtsııa qyzmetiniń jańa tujyrymdamasyn belsendi jáne maqsatty júzege asyryp otyr. Jedel basqarý ortalyǵy qalada oryn alatyn kez kelgen oqıǵaǵa: jeke tulǵalardyń shaǵymdarynan bastap búkil qalaǵa qatysty tótenshe jaǵdaılarǵa ún qatatyn bolady.
2012 jyly Memleket basshysynyń sheshimderi men mańyzdy oqıǵalar týraly jedel aqparattandyrý maqsatynda AkordaPress saıtynda Qazaqstan Prezıdenti baspasóz qyzmetiniń tvıtter-akkaýnty (twitter.com/AkordaPress) ashyldy, onda Nursultan Nazarbvaevtyń qatysýymen ótetin sharalardyń ańdatpasy jarııalanady.
Memleket basshysynyń resmı saıty jáne Prezıdenttiń baspasóz qyzmetiniń tvıtter-akkaýnty Memleket basshysy jáne Prezıdent Ákimshiligi qyzmeti týraly aqparattardyń teń dárejedegi jáne birden-bir resmı kózderi.
2012 jyly «Qazaqstan Respýblıkasynyń ákimshilik-aýmaqtyq qurylysy týraly» 1993 jylǵy 8 jeltoqsandaǵy Zańyna sáıkes Almaty qalasynyń aýmaǵy ózgertildi. Onyń quramyna Almaty oblysyna qarasty 11 920,93 gektar jerdiń, sonyń ishinde 8 360,52 gektary Qarasaı aýdanyna jáne 3 560,41 gektary Talǵar aýdanyna tıesili bir bóligi engizildi.
2013 jyly ulttyq tarıhty zerdeleý jónindegi vedomstvoaralyq jumys tobynyń ІІІ otyrysy kezinde Qazaqstannyń kóne dáýirinen búginge deıingi ulttyq tarıhyna arnalǵan jańa anyqtamalyq-aqparattyq bilim beretin «Qazaqstan tarıhy» veb-portaly tanystyryldy.
2013 jyly Qazaqstan Prezıdenti Nursultan Nazarbaev Aqordada Joǵary Eýrazııalyq ekonomıkalyq keńestiń otyrysyna qatysý úshin Astanaǵa kelgen Keden odaǵy men Biryńǵaı ekonomıkalyq keńistikke múshe elderdiń úkimet basshylarymen kezdesý ótkizdi.
Kezdesýge qatysýshylar eýrazııalyq ekonomıkalyq ıntegratsııany odan ári tereńdetý, sondaı-aq 2013 jyly 29 mamyrda Astanada ótken Joǵary Eýrazııalyq ekonomıkalyq keńestiń otyrysy barysynda qol jetkizilgen kelisimderdi iske asyrýdyń keń aýqymdy máselelerin qarastyrdy.
2014 jyly Qaraǵandy oblysyndaǵy Temirtaý qalasynda «Prezıdent pen perzent» kitabynyń tusaýkeseri ótti. Oǵan el Prezıdenti týraly shyǵarmalar baıqaýynyń jeńimpazdary - respýblıkadaǵy 32 mektep oqýshysynyń shyǵarmalary kirdi.
2016 jyly Tegeranda qazaqstandyq taýar óndirýshilerdiń saýda mıssııasy ótti.