25 qyrkúıekte Qazaqstan-Qytaı shekarasyndaǵy kólik ótkizý pýnkteri jabylady
ASTANA. KAZINFORM – 25 qyrkúıekte Qazaqstan men Qytaı shekarasyndaǵy avtomobıl ótkizý pýnkteri ýaqytsha jumys istemeıdi, dep habarlaıdy Memlekettik kirister komıteti.
Shekteý Qytaı Halyq Respýblıkasynda «Kúz ortasy merekesiniń» atap ótilýine baılanysty engiziledi.
Atalǵan kúni Qazaqstan-Qytaı shekarasyndaǵy avtomobıl ótkizý pýnktteri arqyly jeke tulǵalardy, kólik quraldary men júkterdi ótkizý júzege asyrylmaıdy.
– Qazaqstan-Qytaı shekarasyndaǵy temirjol ótkizý pýnktteri shtattyq rejımde jumysyn jalǵastyrady, – delingen komıtet habarlamasynda.
Memlekettik kirister komıteti tasymaldaýshylar men memlekettik shekaradan ótýdi josparlap otyrǵan azamattardy ýaqytsha shekteýdi eskerip, sapar baǵytyn aldyn ala josparlaýǵa shaqyrdy.
Aıta keteıik, Atyraýdaǵy Qurmanǵazy ótkizý beketin jańǵyrtý jumysy júrip jatyr.
